BO’O ÉSAÉ NKAÑETE NYA MBOONE | YENE’E AVA’A YA BO BÔTE BEYÉ’É
Nambe’e bôt minlem
Nleme ñwô wo yiane tindi môte na a bo Zambe mewôk. (Min 3:1) Jôm ete nje bia yiane jeñe na bi nambe bôte minlem éyoñe bia ye’ele. Aval avé bi ne bo de?
Te su’u ve na wo liti môte miñye’elane ya Bible, wo yiane fe liti nye aval avé mia nambe ényiñe jé a élate jé a Yéhôva. Liti’i nye aval avé miñye’elane mite mia ngôné nye’ane Yéhôva, mvame jé a zôsôô wé. Sili’i nye bone minsili mi ne volô wo na ô yem aval a yene mam a yé’é, ve tabe’e ntyele ya bo te balé nye a bifia biôé. Volô’ô nye na a yem mbamba be mam be ne kui nye nge a tyendé mbia mfasane nge ke mbia mboon éziñ. Ava’a dôé dé tu’a nen éyoñe wé yen ane môte wo ye’ele Bible a liti na a nye’e Yéhôva.
YENE’E VIDÉO A NE NLÔ AJÔ NA, YENE’E AVA’A YA BO BÔTE BEYÉ’É—BO’O ATYEÑ ÉSAÉ NKAÑETE—NAMBE’E BÔT MINLEM , MVUSE YA VALÉ YALA’ANE MINSILI MI:
-
Amu jé Neeta a te sili Jade na: “Ye ô nga fase fo’o jam bi nga yé’é ôjan?”
-
Aval avé Neeta a te volô Jade na a tu’a wô’ô na, nge Yéhôva a ve nye metiñ, a ne amu A nye’e nye?
-
Bôte bia ye’ele Bible be ne yaé nsisim nge bia jeñe na bi nambe be minlem
Aval avé Neeta a te volô Jade na a yem aval a ne liti na a nye’e Yéhôva?
