Abô’ô Pâque ôsu e mbe fo’o beta abôk. Alu ete, éyoñe Pharaon a nga yeme na ntôle mona fame wé ô wuya, nde a nga jô Moïse na: “Kôla’ane si, kôla’ane vôm bôte bam be to, mia a bone be Israël; mi ke bo Yéhôva ésaé, aval ane mi nga jô.” (Nk 12:31) Yéhôva a nga liti fo’o na a kamane bebo bisaé bé.

Den, nlañe bebo bisaé be Yéhôva wo liti ne fômelé na Yéhôva a ke ôsu a kamane be. Musée ya wofise wo tebele ésaé ya si ése a kôme liti de, nlô ajô ya musée ate ô ne na “Ayoñ é be’e éyôlé Yéhôva.”

YENE’E VIDÉO MINJOMAN BEMUSÉE YA WARWICK: “AYOÑ É BE’E ÉYÔLÉ YÉHÔVA,” MVUSE YA VALÉ, YALA’ANE MINSILI MI:

• Étua ékpwelé évé beyé’é Bible be nga belane je ataté mbu 1914 asu na be tu’a buni Bible, mbamba bibuma bivé ékpwelé éte é nga wum?

• Minju’u mivé be nga tôbane mie mbu 1916 a mbu 1918, a jé é nga liti éyoñ éte na Yéhôva nnye a wulu ékôan?

• Jé é nga volô bebo bisaé be Yéhôva na be bi ngule mbunan akusa bo mewosan be nga tôbane me?

• Ñye’elane ya Bible ôvé bebo bisaé be Yéhôva be nga kôme wôk mbu 1935, nalé a nga tindi be na be bo jé?

• Nge ô jomeya musée ate, jé ô nga yen été é nga ve wo njika’ane na Yéhôva a kamane fo’o bebo bisaé bé?