Nge ébubua éziñ ja kui nlame wo nyiñ, wo ye bo aya? Ye ô ntoo fo’o nkômesan? Mfô’ôsane si, nkulu, ndône mendim, nduan afan; bibubua bite bi ne kui atemetem, bi ne fe ndamane biôm a wôé bôt. Beze mimfaka be ne bo mbia be mam, jo’ojo’o a ne bo nlam, a mbia bakon be ne fe so vôm ase a atemetem. (Éc 9:11) Bi nji yiane simesane na avale bibubua ete e vo’o kui vôme bia nyiñ.

Môt ase ya be bia a yiane bo mame méziñ mfa’a ya tabe nkômesan asu bibubua. (Min 22:3) Ékôane Yéhôva ja ve fo’o bia melep a mvolan éyoñe mbia jam a kui, ve nalé a nji tinane na, biabebien bia yiane ba’a mo teke kômesan.​—Beg 6:5.

YENE’E VIDÉO YE Ô NE NKÔMESAN MFA’A YA BETA BIBUBUA? MVUSE YA VALÉ, YALA’ANE MINSILI MI:

• Aval avé mbamba élat a Yéhôva a ne volô bia éyoñ ébubua ja kui?

• Amu jé e ne mfi na . . .

  • • bi laan a bemvendé ôsusua na ébubua ja kui, éyoñ é ntoo, a éyoñ é lôteya?

  • • bi kômesane ékpwaé asu bibubua?​—g17.5-F af. 6

  • • bi yemelane mevale bibubua bi ne kui nlame wongan a jam bi ne bo?

• Mame melale mevé bi ne bo asu na bi volô bôte ba te bi ébubua?