E ne bo ayaé ya telé Éjôé Zambe ôsu éyoñ bia kate yen ésaé é ne ve bia mone dolé. Jam ete e ne tindi bia na bi kômbô yebe ésaé ja di bia abui éyoñ, nge ke ji ja tyame metiñe me Yéhôva. Ve bi nji yiane vuane na Yéhôva a ne “ngame ba minlem . . . mi ne nya zôsôô be nye.” (2Mka 16:9) Yéhôva a vo’o kate volô bia, nge ve bia mam ma sili bia. (Bero 8:32) Ajô te, bi too Yéhôva ndi éyoñ ése bia nyoñe mintyi’an, bia bo fe mbane ya telé mame ya nsisim ôsu ényiñe jangan.​—Bs 16:8.

YENE’E VIDÉO A NE NLÔ AJÔ NA, SAÉ A NLEM ÔSE ASU YÉHÔVA, MVUSE YA VALÉ YALA’ANE MINSILI MI:

• Amu jé Jason a te bene bo ébotezel?

• Aval avé bi ne tôñe melebe ya Becolossien 3:23 ényiñe jangan?

• Aval avé mbamba éve’ela Jason a nga nambe Thomas?

• Aval avé bi ne tôñe melebe ya kalate Matthieu 6:22 ényiñe jangan?