Bi ne meva’a ya bi mfefé kalate a nsoé kalate asu meyé’é. Bia ye’elane Yéhôva na a botane mengule bia ve na bi bo abui bôte beyé’é. (Mt 28:18-20; 1Bec 3:6-9) Aval avé bi ne belane mimfefé bikpwelé bite?

Mbôle mimfefé bikpwelé bite bia ngôné mfefé fatane ñye’elan, melebe ma mé volô wo éyoñe wo kômesan ayé’é, nge ke éyoñ wo ye’ele môt: *

• Lañané afôla mia yiane yé’é, a sili’i môte minsili mi ne kalate

• Lañané bifuse bi ne ntilane na “lañek,” volô fe ñyé’é Bible na a yem aval a ne belane bie ényiñe jé

• Futi’i vidéo a bo’o na ñyé’é Bible a yalane minsili ya été

• Jeñe’e na ô mane nlô ajô wua éyoñ ése mia yé’é

Éyoñ ô ne nkañete, taté’é ve môte nsoé kalate asu na ô yene nge a nye’e ayé’é. (Fombô’ô nka’ale ô ne nlô ajô na: “ Aval ô ne ve môte nsoé kalate Bu’uban ényiñ nnôm éto!”) Éyoñ mi maneya yé’é nsoé kalate, va’a môte kalate nge wo yene na a nye’e ayé’é, a taté’é ayé’é a nye nlô ajô nyini. Nge a ne ke na mia môte mi tatéya ayé’é a Jé Kalate Zambe a ne ye’ele bia nge ke a kalate Ba’ale womien nye’ane Zambe été, telané, mi kee ayé’é ôsu mfefé kalate.

YENE’E VIDÉO A NE NLÔ AJÔ NA, BU’UBAN AYÉ’É KALATE ZAMBE DÔÉ, MVUSE YA VALÉ YALA’ANE MINSILI MI:

• Mam mevé mfefé kalate wé ye’ele beyé’é Bible?

• Amu jé wo yiane liti mimfefé beyé’é Bible vidéo nyi?

• Ô ne volô beyé’é Bible na be bi a tôé minsôñane mivé? (Fombô’ô fe “ Nsoñane ya ngab ése.”)