ÉNYIÑE BEKRISTEN
Nyane’ amvôé dôé mia Yéhôva
Bengaa be Yéhôva be bili beta mvom. Éyoñe bia nyoñe mbaptizô, bia ke ôsu a yemete amvôé e ne zañe bia be Yéhôva, Njôô ya si ése. A nga dutu bia be nye a zene ya be Mone wé. (Jn 6:44) A wô’ô meye’elane mangan.—Bs 34:15.
Aval avé bi ne kaman amvôé dangan a Zambe? Bia yiane taté sa’ale mbia be mam bone b’Israël be nga bo. Mon étun éyoñ éyoñe be boya élat a Yéhôva, be nga kôm ényaka or a kañe je. (Nk 32:7, 8; 1Bec 10:7, 11, 14) Bi ne sili biabebiene na: ‘Me wô’ô bo aya éyoñe nkômbane ya bo mbia jam wo so ma nlem? Ye mimboane miam mia liti na ma nyane amvôé dam bia Yéhôva?’ Nge bia nye’e Yéhôva a nlem ôse, nalé aye volô bia na bi tube mam a vini.—Bs 97:10.
YENE’E VIDÉO BA’ALE’ ANGBWA DÔÉ MIA YÉHÔVA (BECO 3:5), MVUSE YA VALÉ, YALA’ANE MINSILI MI:
-
Jé é ne minyamete?
-
Amu jé bia yiane sa’ale ôzañ a nkañan bezambe befe?
-
Njaé ôvé ô ne zañe mejian a nkañan bezambe befe?
-
Amu jé bôte be be’e mimbe’e ékôane Yéhôva ba yiane jalé miñyiane mi môt be nga luk?
