Bi nji liti na bia kabetane Yéhôva fo’o ve a zene ya mame bia jô nge bo. Bia liti fe de a zene ya asimesane dangan. (Bs 19:14) Ajô te, Bible a ve bia abendé na bi simesane mame mese me ne benya mejôô, mame mese me ne éjijin, mame mese me ne zôsô, mame mese me ne mfuban, mame mese ba yiane nye’e, mame mese ma wô’é mvo’é melo amu ma wônô, mame mese me ne mvaé, mame mese ma yiane duma. (Phl 4:8) É ne été na, bi vo’o ki sa’ale mbia be asimesan. Ve nge bia jôé biabebien, bia ye bo ngule ya titane mbia be asimesan a fole be a mbamba be asimesan. E ba’ale asimesane dangane mfuban a ye volô bia na bi ke ôsu a bo mbamba be mam.—Mr 7:21-23.

Éyoñ ô maneya lañ éfus ése ja tôñe valé, tili’i asimesane bia yiane sa’ale:

Rom 12:3

Lu 12:15

Mat 5:28

Phl 3:13