Bela’ane bive’an a bive’ela bi ne tyi’ibi ya wôk. Avale Yésus a mbe a bo’ok, timi’ine beta miñye’elan a zene ya bone bive’ela, bela’ane fe bifia bi ne tyi’ibi ya wôk asu na, ô ye’ele mam me nji bo tyi’ibi ya wôk. Éyoñe wo belan éve’an nge ke éve’ela éziñ, te vañe beté ôdo’é; nalé a ne bo na é bo ayaé ya wôk. Tobe’e bive’an nge ke bive’ela bia lu’an a ñye’elane wo ve asu ya na, bôte ba vô’ôlô wo be bo te fu’u fé.

Simesa’ane miñyiane mi bôt ba ye vô’ôlô wo. Tobe’e bive’an a bive’ela bi tii a mame bôte ba vô’ôlô wo ba bo. Te bo na bive’an nge ke bive’ela biôé bi bo na bôte ba vô’ôlô wo be wôk ôson nge ke na be wôk ôlun.

Ye’ele’ mame ma dañe mfi. Bive’an a bive’ela biôé bia yiane su’u miñye’elane mia dañe mfi sa ke zezé mam. Wo yiane volô bôte ba vô’ôlô wo na, be dañe simesane miñye’elan, sa ke ve bive’an a bive’ela wo te belane bie.