NLÔ AJÔ 21
Aval avé mbamba foé a katebane si se?
Ana’ana, Yéhôva a ye belan Éjôé jé asu na a vaa minju’u mise ya si nyi. Foé éte é ne fo’o nya abeñe, ajô te môt ase a yiane wô’ô je. Yésus a mbe a yi’ na beyé’é bé be kañete bôte bese mbamba foé ate! (Matthieu 28:19, 20) Aval avé Bengaa be Yéhôva ba tôñ atiñe Yésus ete?
1. Aval avé Matthieu 24:14 a tôébane den?
Yésus a nga jô na: “Mbamba foé ya ayoñe [nge ke Éjôé] Zambe nyô a ye katebane si se.” (Matthieu 24:14) Bengaa be Yéhôva ba wô’ô meva’a ya bo ésaé éte. Bia kañete mbamba foé ate si se meku’u menyin, minkobô a lôte 1 000. Asu na bi bo beta ésaé ate, da sili abui ngul a mbamba nta’ane mam. Ngule Yéhôva étam nje ja volô bia na bi bo ésaé éte.
2. Bia kañete bôte vôm ase bi ne koone be
Aval avé bia bo ésaé nkañete jangan? Aval ane Bekristene ya ntete mimbu ôsu, bia kañete bôte “menda menda.” (Mam Minlôman 5:42) Fatane nkañete éte ja bo na bi kañete bemillion be bôte mbu ôse. Mbôle bôt be nji bo menda map éyoñ ése, bia kañete fe be vôm ase bia koone be. Bia jeñe kom ése fane ya kañete bôte bevok ajô Yéhôva a nsôñane wé.
3. Za a yiane kañete mbamba foé?
Benya Bekristene bese ba yiane kañete bôte bevo’o mbamba foé. Bi nji nyoñ ésaé jangan éngbwemese, bia yeme na ésaé éte é ne nyii bôt, jôme te nje bia ve ngul ése na bi bo je. (Lañe’e 1 Timothée 4:16.) Teke’e môt éziñ a ve bia moné asu na bi bo ésaé éte, amu Kalate Zambe a jô na: “Mi nyoñeya te kus, va’ane te kuan.” (Matthieu 10:7, 8) Sake bôt bese mbe ba vô’ôlô foé bia kañete, bi bia ke ôsu a kañete, amu ésaé éte é ne ngab jia ya ékaña’a bia ve Yéhôva, a ja ve nye nlem avak.
TUKA’A FAK
Yene’ aval avé Bengaa be Yéhôva ba ve ngule na be kañete mbamba foé si se meku’u menyin, a aval avé Yéhôva a volô be.
Ésaé nkañete ja bobane si se: (A) Costa Rica, (B) États-Unis, (C) Benin, (D) Thaïlande, (E) Yap, (F) Suède
4. Bia ve ngul ése na bi kañete bôte ya si se
Bengaa be Yéhôva ba jeñe mezene mese na be kañete bôte mbamba foé vôm ase be né. Futi’i VIDÉO, mvuse ya valé, yala’ane nsili wu.
-
Wo wô’ôtan aya éyoñe wo yene ngul ése Bengaa be Yéhôva ba ve asu na be kañete mbamba foé?
Lañe’e Matthieu 22:39 a Beromain 10:13-15, mvuse ya valé, yala’ane minsili mi:
-
Aval avé ésaé nkañete jangan ja liti na bia nye’e bôte bevok?
-
Aval avé Yéhôva a wô’ôtan éyoñ bia kañete bôte bevo’o mbamba foé?—Fombô’ô éfus 15.
5. Bi ne beébe bebo bisaé be Zambe
Abui mame da bo’olô na Yéhôva nnye fo’o a wulu ésaé nkañete jangan. Éve’an é ne na, e Nouvelle Zélande, mojañ éziñ a ne jôé na Paul a mbe a kañete’e bôte menda menda mame ngô’é méziñ. Ane a nga koone minga éziñ nda jé. Mame tyé ya môs ôte, minga ate a nga ye’elane Zambe a tote’ éyôlé Zambe, a sili’i nye na a lôme môt a zu jome nye. Paul a jô na: “Mvuse mewolo me nkolo melal, ma me nga zu kute mbé wé.”
Lañe’e 1 Becorinthien 3:9, mvuse ya valé, yala’ane nsili wu:
-
Aval avé minkañete, ane wu ya Nouvelle-Zélande wu, mia liti na Yéhôva nnye a wulu ésaé nkañete?
Lañe’e Mam Minlôman 1:8, mvuse ya valé, yala’ane nsili wu:
-
Amu jé da sili ngule Yéhôva asu na bi bo ésaé nkañete?
Ye wo too ô yeme’ek?
Sondô ase, bi bili bisulane ya zañe sondô bia ye’ele bia aval avé bi ne bo ésaé nkañete nya mboone. Nge ô tameya tabe ésulane jia ya été, aval avé wo yene sikôlô ate?
6. Bia tôñ abendé Zambe a nga ve bia na bi kañete mbamba foé
Ntete mimbu ôsu, bôte béziñe be nga jeñe na be telé ésaé nkañete beyé’é be Yésus be mbe be bo’ok. Bekristen bete be nga jeñe na be “kamane a yemete mbamba foé e meba mejô” asu na be bi fili ya bo ésaé jap teke na môt a ndeñele be. (Bephilippien 1:7) Bengaa be Yéhôva ba bo fe nalé den. a
Lañe’e Mam Minlôman 5:27-42, mvuse ya valé, yala’ane nsili wu:
MÔT ÉZIÑ A NE SILI NA: “Amu jé Bengaa be Yéhôva ba kañete bôte menda menda?”
-
Ô ne yalan aya?
ÔBALEBAS
Yésus a nga ve beyé’é bé abendé na be kañete bôte ya meyoñe mese mbamba foé. Yéhôva nnye a ve bebo bisaé bé ngule ya bo ésaé éte.
Ô ne yalan aya?
-
Aval avé mbamba foé a katebane si se?
-
Aval avé ésaé nkañete jangan ja liti na bia nye’e bôte bevok?
-
Ye wo simesane na ésaé nkañete é ne soo bia mevak? Amu jé?
MAM MEFE ME NE VOLÔ WO
Yene’ ane Bengaa be Yéhôva ba kañete bôte mbamba foé beta bitison.
Aval avé Bengaa be Yéhôva be nga volô mintabe miziñ?
Yene’ avale minga éziñ a yene meva’a ya bo ésaé nkañete.
Yene’e beta mintyi’ane meba mejô méziñ me nga nyoñe mfa’a ya ve ésaé nkañete jangan tyi’ibi.
“Les prédicateurs se défendent devant les tribunaux” (Le Royaume de Dieu en action!, kabetôlô 13)
a Zambe émien nnye a nga ve bebo bisaé bé abendé na be ke kañete bôte mbamba foé. Ajô te, Bengaa be Yéhôva be nji yange na bijôé ya émo ji bi ve be ôva’a ngul ôsusua na ba bo ésaé éte.
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
