Ayé’é Bible e ne mfi. Ve, mame méziñ me ne bo na bi kate ke ôsu a bo de. Biyoñe biziñ bi ne sili biabebiene nge bii fo’o bi ngule ya ke ôsu a yé’é Kalate Zambe. Amu jé e ne mfi na ô bo de? Jé é ne volô wo na ô ke ôsu a yé’é Bible to’o wo tôbane minjuk?

1. Amu jé ayé’é Bible e ne mfi?

“Mejô me Zambe me ne vevee a ma bo ésaé.” (Behébreu 4:​12) Bible a ne mfi amu mejô me Zambe me ne ntilan été, a kate fe avale Zambe a simesan éyoñ a yene wo. Bible é volô wo na ô bi ñyeman, fek, a ndi nlem. Ve jame da dañ e ne na, Bible é volô wo na ô bo mvôé Yéhôva. Éyoñe wo yé’é Bible, wo ve nye fane ya tyendé ényiñe jôé.

2. Amu jé da sili na bi yeme mfi ya benya mejôô?

Benya mejôô ya Bible be ne ane señ é ne édima. Ajô te, Bible a jô bia na bi ’kuse benya mejôô, a bo te kuane me.’ (Minkana 23:23) Nge bia yeme mfi ya benyaa mejôô, bii bo mbane ya yé’é me, to’o bia tôbane minjuk.​​—Lañe’e Minkana 2:​4, 5.

3. Aval avé Yéhôva a ne volô wo na ô ke ôsu a yé’é Bible?

Yéhôva a ne Nté wôé a Mvôé jôé, jôme te nje a yi na ô yeme za a né. A ne ve wo ’nkômban a ngule ya bo ésaé.’ (Lañe’e Bephilippien 2:​13.) Nde, nge biyoñ biziñ wo yene na da sili wo ngule nyul asu na ô yé’é Bible mban nge ke na ô tôñe mame wo yé’é ényiñe jôé, ô ne sili Zambe mvolan. A ne fe wo ve ngule ya dañe minju’u wo tôbane mie. Ye’ela’ane Yéhôva kom ése asu na a volô wo na ô ke ôsu a yé’é Bible.​​—1 Bethessalonicien 5:​17.

 TUKA’A FAK

4. Telé’é ayé’é Bible ôsu ényiñe jôé

Biyoñ biziñ, bi wô’ô bi abui bisaé ya bo aval e ne na, bi nga kate bi éyoñe ya yé’é Bible. Nge wo fe ô tele été éte, jé é ne volô wo? Lañe’e Bephilippien 1:​10, mvuse ya valé, yala’ane minsili mi:

• Wo simesane na mame mevé ma dañe mfi ényiñe môt?

• Aval avé ô ne telé ayé’é Bible ôsu ényiñe jôé?

1. Nge ô taté futi nsele’e nlônga, éyoñe te nje wo jeñe na ô futi meko’o été mvuse ya valé, meko’o mese ma ye ke nyiin

2. Ve nge ô taté futi meko’o nlônga, wé kui na ô futi abui nsele’e été. Aval ete da da, nge ô telé mame ma dañe mfi ôsu ényiñe jôé, wé bi fe éyoñe ya bo mam mefe

Ayé’é Kalate Zambe da jalé miñyiane miangan ya nsisim, amu môt a binam ase a nga bialé a évé ya yeme Zambe. Lañe’e Matthieu 5:6, mvuse ya valé, yala’ane nsili wu:

• Bibotane bivé wo ye bi nge ô telé ayé’é Bible ôsu ényiñe jôé?

 5. Bo’o mban, to’o bôte ba wosane wo

6. Jeñe’e mvolane Yéhôva

 ÔBALEBAS

Akusa bo e ne bo ayaé biyoñ biziñ, ayé’é Bible da ye volô wo na ô bu’uban ényiñe nnôm éto. Kele’ ôsu a jeñe mvolane Yéhôva, a ye botane wo.

Ô ne yalan aya?

• Amu jé Mejô me Zambe me ne édima mis môé?

• Aval avé ô ne “yemelane” mame ma dañe mfi?

• Amu jé mvolane Yéhôva ô ne mfi asu na ô ke ôsu a yé’é Bible?