2 Ye biabebiene bi be’e ayeme ya minju’u miangan ñhe?
Amu jé nsili ôte ô ne mfi?
Nge éyalan é na ôwé, yeme’e na bi ne ngule ya sé’é abime minju’u da kui bia.
Tame fas
Abim avé môta binam a be’e ayeme ya minju’u mi?
-
Mbia be mam
Organisation mondiale de la santé a jô na, éyoñe wo yene bôte 4, wua ya été a nga tôbane mbia be mam a to mongô. Nde fe nge ô lañe binga 3, be nga jabe wua ya été nge bôme nye (bevok be nga tôbane bibaane) môs éziñ.
-
Mewu
Organisation mondiale de la santé (OMS) a liti na “mewôé me bôt 477 000 me nga bôban si se mbu 2016”. Nge ô va nalé, bi ne fe kô’ôlane bôte bebé 180 000 be nga wu bita mbu te.
-
Akon
Kalate mefoé National Geographic, Franc Smith, môte wua ya bote ba tili nye, a jô été na: “Bôte a lôte milliard ba nyu ta’a, a ñyuane ta’a ô ne jame da ya mam metan ma dañe wôé bôt. Wo so mbia be mam ba: ôkon ya nlem, AVC, beinfection respiratoire, ôkon wo nambe bisaa bi nlem, a cancer.”
-
Ékotekot
Psychologue éziñ a to jôé na Jay Watts a jô na: “Azoé, ôbangam, nkada’ane mengam, e nyiñ éza nlam, a nsisim mesengan zañe meyoñ ma bo na bôte be tyelé minleme yôp abui.”
YEME’E ABUI MAM AFE
Yene’e vidéo a ne nlô ajô na Amu jé Zambe a nga té si? e jw.org.
Jé Bible a ye’ele?
Môta binam émien a be’e ayeme ya minjuk mia kui nye.
Abui minjuk ya été da so amu, bijôé bia kute tôé na bia volô bôt, mbie fe bia viane ve bôt ényiñ ayaé.
“Môte wua a jôô môt mfe njôane ya ndamane nye.”—ÉCCLÉSIASTE 8:9.
Bi ne sé’é minju’u miangan.
Kalate Zambe a ve bia melep ma volô bia na bi ba’ale mvo’é jangan ya minsôn, a na bi nyiñe mvo’é a bôte bevok.
“Nleme ne mieññ ô ne ényiñe ya minsôn; ve mesengan me ne mbolô bives.”—MINKANA 14:30.
“Ziñ ése, a ayaa, a ayok, a miñyôn, a ébiasé, bi vase be mia, a abé nlem ese.”—BEÉPHÉSIEN 4:31.
