Bi tame nyoñ éve’ane Sally, * minga ya États-Unis; a nga mane jañele biôm bi mo bié bise e beta ébubua; a jô na: “Minju’u mi nga kui ma ébe’e nja’a. Abui biyoñ, me mbe me wô’ôta’ane v’ane ma zu wu.”

Nju’ ôfe ô ne éyoñe môte bia nye’e a wu. Janice, minga ya Australie a jô na: “Éyoñe bobefam bam bebaé be nga wu, fe’ é nga jañe ma, a nlem ô nga taé ma aval é ne na, me nga ye’elane Zambe a jô nye na: ‘A Zambe wom, abim ete e yianeya ma! Éngôngol jibi’i ma wôé. Ényiñe ja volô ki fe ma jôm.’”

Mintaé mi nga lôte fe Daniel nkôñ éyoñe minga wé a nga bo mejian. A jô na: “Éyoñ minga wom a nga kate ma na a nga bo mejian, a mbe v’ane ba jii ma ôtyeñ nlem. Me nga wô’ôtane mintaé mite abui bengon.”

Kalate mefoé nyi Nkume mmombô a bete, a ye liti amu jé da sili na bi ke ôsu a bu’uban ényiñ ja’a éyoñ

• Beta ébubua a kui

• Môte bia nye’e a wu

• Môte bi nga luk a bo mejian

• Wo juan a ngul ôkon

• Ényiñ é nto te ke’ajibi

Jam ôsu, jé bi ne bo éyoñe beta ébubua a kui?