Zambe a mbeme zu vaa minju’u mise
“A Yéhôva ntaa vé m’aye yôn, ô to te wôk? M’ayône be wo ajô évô, a ô to te nyii.” (Habakuk 1:2, 3) Mejô mete me ne ma me Habakuk, mbamba môt a mbe a yené mvaé mise me Zambe. Ye bifia bite bi mbe bi liti’i na a nji bi mbunan? Momo. Zambe a nga beta ve Habakuk ndi nleme na, a teléya ngum éyoñ a ye mame minjuk.—Habakuk 2:2, 3.
Éyoñe môt a to wo bebé a juk, nge womien, e ne tyi’ibi ya jô na Zambe a ne ôte’ete’e ya volô, amu nge sa nalé ve a volôya mia. Ve, Kalate Zambe a liti na: “[Yéhôva] a nji langan mfa’a ya ntiñetane wé, aval ane bevo’o be lô nlangan; ve a dañe jibi mfa’a wônan, a ne te kômbô na, môt éziñ a ye jañ, ve na, bese be zu kôñelane minlem.”—2 Pierre 3:9.
ZAMBE A YE MANE MINJU’U ÉYOÑ ÉVÉ?
Ana’ana! Yésus a nga liti na miaé bôt éziñ wo ye yen abui mame ma ye bo ndeme ja liti na, bia nyiñe melu m’asu’ulane ya “nta’ane mam wu.” (Matthieu 24:3-42, NW) Mbôle nkulan ajô Yésus wo tôébane melu mangane ma, nalé a liti na Zambe a mbeme zu kôme mam mese ma bobane si va. *
Ve, aval avé Zambe a ye mane minjuk? Éyoñe Yésus a mbe si va, a nga liti ngule Zambe a bili mfa’a ya volô bone be bôte be tele minju’u été. Bi tame zu yene bive’ane biziñ y’été.
Bibubua bi mam: Éyoñe Yésus a minlômane mié be mbe dulu e Mañe ya Galilée, beta ôkôs a nga kômbô bo na éfunga jap é nyoñe mendime si. Ve, Yésus a nga liti na, ba Ésa be bili ngule ya jôô mam ane évuñulu, ôkôs a mañ. (Becolossien 1:15, 16) Yésus a nga jô ve na: “Tabe’e évô, bo’o ne mieññ!” Jé é nga bobane valé? “Nde évuñulu é nga tebe, mañ ve bo ne mieññ.”—Marc 4:35-39, Mfefé Nkôñelan.
Akon: Bôte be mbe be yeme Yésus ane nyi a bili ngule ya saé minkôkôn, mindindim, a miñyeyem, ja’a ba be mbe be ku ésesé, ba be mbe be kone zam, a aval éyem ese môt a mbe ve bi. A nga “saé bôte bese be nga kon.”—Matthieu 4:23, 24; 8:16; 11:2-5.
Mfumbale ya zaé: Yésus a nga belane ngul Ésa a nga ve nye na, a fôlô bidi bi mbe tyôtyoé. Kalate Zambe a jô na, a nga ve betoyini be bôte bidi biyoñe bibaé nté a nga bo ésaé jé.—Matthieu 14:14-21; 15:32-38.
Awu: Da kôme yené nne ngeññ a miñwômane miñwuane milale Yésus a nga bo na, Yéhôva a bili ngule ya man awu. Môte wua ya été a mbe a boya melu menyin ôsusua na Yésus a wômôlô nye.—Marc 5:35-42; Luc 7:11-16; Jean 11:3-44.
^ É.N. 5 Nge wo kômbô yeme mam mefe a lat a melu ya asu’ulan, kele’e yene kabetôlô 9 ya kalate Jé Kalate Zambe a ne ye’ele bia? Bengaa be Yéhôva mbe be nga kuli nye, a ô nto ngule ya limiti kalate ate zezé e www.jw.org.
You May Also Like
NKUME MMOMBÔ A BETE
Mfi ô ne bi éyoñe Zambe a nyoñe wo ngap
Mintilane mia volô bia na bi bi ngule mbunane bengaka’a be Zambe asu melu ma zu.
ESSENTIAL BIBLE TEACHINGS
Éjôé Zambe é ne jé?
A zene ya nkañete a nga bo, Yésus a nga kobô ajô ya Éjôé Zambe a dañe jôme ése. Den a nga ke mintete mimbu, beyé’é bé ba ye’elane na Éjôé éte é zu.
BI NE BEZA?
Sili njoman
Laan ajô ya nsili Bible a yalan, nge ke na yé’é mam a lat a Bengaa be Yéhôva.
