Yesu ka saya Hakilijigin
Sibiridon Awirilikalo tile 12 san 2025
San o san, Jehova Seerew bɛ u hakili jigin Yesu ka saya la siɲɛ kelen iko a y’a fɔ u ye cogo min na ko: “A’ ye nin kɛ walisa ka aw hakili to ne la.”—Luka 22:19.
An bɛ i wele ka na nin koba in na.
Ɲininkali minnu bɛ kɛ ka caya
O ko bɛ waati joli ta?
A bɛ lɛrɛ kelen ɲɔgɔn ta.
O ko bɛna kɛ yɔrɔ jumɛn?
Jehova Seerew ɲininka walasa k’a dɔn o ko bɛna kɛ yɔrɔ min na aw ka yɔrɔ la.
Yala donsara b’a la wa?
Ayi.
Yala wari bɛ minɛ mɔgɔw la wa?
Ayi.
Ne bɛ se ka fini sugu jumɛnw de don ka na?
Hali ni fini sugu dɔw dabɔlen tɛ kɛrɛnkɛrɛnnenya la o ko kama, Jehova Seerew bɛ u seko kɛ walasa ka tugu Bibulu ka laadilikanw kɔ ka fini bɛnnenw don minnu bɛ u sutura ani ka bonya jira. (1 Timote 2:9) I mago t’a la ka fini dagɛlɛnbaw walima diinɛ finiw walima fini kɛrɛnkɛrɛnnen sugu dɔw don ka na o ko kɛyɔrɔ la.
Mun de bɛna kɛ Hakilijigin na?
O lajɛ bɛ daminɛ ani ka laban ni dɔnkili dɔ dali ye, Jehova Seere balimakɛ dɔ bɛ delili kɛ o dɔnkiliw dalen kɔ. Jɛmukan dɔ, min sinsinnen bɛ Bibulu kan, o bɛna kuma Yesu ka saya nafa kan. Ala ni Krisita ye min kɛ an ye an bɛ se ka nafa bɔ o la cogo min na, o jɛmukan bɛna kuma o fana kan.
Walasa ka kunnafoni wɛrɛw sɔrɔ, nin barokun lajɛ: “Mun na Jehova Seerew tɛ Matigi ka Surɔfana seli kɛ iko diinɛ tɔw b’a kɛ cogo min na?”
Hakilijigin nataw bɛna bɛn don jumɛnw ma?
San 2025: Sibiridon Awirilikalo tile 12
San 2026: Alamisadon Awirilikalo tile 2
Ninnu fana lajɛ
HAKILIJIGIN SELI
Aw ye aw hakili jigin Yesu ka saya la
An bɛ a ɲini i fɛ i ka na fara an kan o ko nafamaba in na. I bɛna a dɔn cogo min na Yesu ka ɲɛnamaya ni a ka saya bɛ se ka i nafa.
ESSENTIAL BIBLE TEACHINGS
Mun na Yesu sara?
Bibulu bɛ nafaba don Yesu ka saya la. Kun tun bɛ a ka saya la wa?