1-2. Sira jumɛn fɛ hadamadenw ka kow bɛ i n’a fɔ kamalenin min kofɔra dakun fɔlɔ la?

 MIIRI kanbele dɔ koo la min bangebagaw ye nafolotigiw ye. Nka loon dɔ, gwɛrɛgwɛrɛko dɔ kɛra. A bangebagaw sara sirakan kasara dɔ la. O koo y’a dusu kasi yɛrɛ le! Nka, kibaro goman wɛrɛ be yen. O ye ko u y’u ka nafolo tiɲɛ tiɲɛ ani u ye juruba ta. Sanni a k’a bangebagaw ka nafolo sɔrɔ cɛɛn ye, u tun ye juruba min ta, ale lo ka ɲi k’o sara ani jurutigiw b’a ɲɛɛ gwanna. A tɛna se k’o juru bɛɛ sara ka ban abada.

² An ka koo bɔnin be o kanbele ta ma. An faa Adama n’an baa Awa tun dafanin lo ani u tun be ɲɛnamaya kɛra alijɛnɛ cɛɲumanin kɔnɔ (Zɛnɛzi 1:27; 2:7-9). U ka jigiya tun ye ka ɲɛnamaya kɛ hɛɛrɛ la fɔɔ abada. Nka koo bɛɛ barila ka yɛlɛma. U bɔnɛna alijɛnɛ na ani u tun tɛ ni ɲɛnamaya banbali jigiya ye tugun. U deenw ye mun lo sɔrɔ cɛɛn ye? Bibulu b’a fɔ ko: “Hakɛ daminɛna mɔgɔ kelen  le sababu la diɲɛ na, saya fana nana hakɛ sababu la. O cogo la fana, saya sera mɔgɔ bɛɛ ma bari bɛɛ ye hakɛ kɛ.” (Ɔrɔm. 5:12). An ye jurumu lo sɔrɔ cɛɛn ye Adama fɛ, o min be laban ni saya ye. O jurumu be i ko juruba, an si tɛ se ka min sara.—Zab. 49:9.

3. Mun na an ka “jurumuw” bɛ se ka sanga ni juruw ye?

³ Bibulu b’a fɔ ko n’an ye jurumu kɛ, o be i n’a fɔ an ye “juru” lo ta (Mat. 18:32-35). N’an ye jurumu kɛ, a kɛra komi an ye juru ta Jehova fɛ. A be se k’a ɲini an fɛ an k’o juru sara. N’an ma se k’o kɛ, a sara ye saya lo ye.—Ɔrɔm. 6:7, 23.

4. Ni Jehova ka dɛmɛ tun tɛ, mun de tun bɛna jurumukɛlaw bɛɛ sɔrɔ? (Zaburu 49:7-9) (b)  Bibulu kɔnɔ “jurumu” walima hakɛ kɔrɔ ye mun de ye? (koorilen nin lajɛ: “ Jurumu”).

⁴ Adama ni Awa bɔnɛna min bɛɛ la, an tɛ se k’o sɔrɔ an yɛrɛ ma kokura (Zaburuw 49:8-10 kalan). Ni Jehova ka dɛmɛ tun tɛ, an jigi tun tɛna kɛ a la ko n’an sara, an suu bena kunu ani ka ɲɛnamaya kɛ sini ma. An ta tun bena ban pewu i ko bɛgɛnw.—Waaj. 3:19; 2 Piyɛri 2:12.

5. An ye jurumu min sɔrɔ ciyɛn ye, an Fa kanuman ye an dɛmɛ cogo di ka o juru sara? (Ja lajɛ ɲɛ fɔlɔ kan.)

⁵ An kumana kanbele min koo la barokun daminɛ na, a bangebagaw tun ye juruba min ta, miiri k’a filɛ ko cɛɛ nafolotigi dɔ y’a latigɛ k’o bɛɛ sara a ye. O bena mun lo kɛ a la do? Siga t’a la, o kanbele bena sɔn o cɛɛ ka dɛmɛ na ani a bena a waleɲuman lɔn kosɔbɛ. O cogo kelen na, an Faa kanutigi Jehova ye nilifɛn dɔ di an ma. O sababu la, an ye jurumu min sɔrɔ cɛɛn ye Adama fɛ, o be se ka jɔsi ka bɔ yen. Yezu y’o koo ɲɛfɔ ten ko: “Ala ye diɲɛ kanu haali, fɔɔ a y’a Deen kelenpe ci mɔgɔw ma, waasa ni mɔgɔ min y’a jigi la a kan, o tigi kana halaki, nga o ka nii banbali sɔrɔ.” (Zan 3:16). O nilifɛn sababu la fana, an be se ka jɛnɲɔgɔnya ɲuman kɛ ni Jehova ye.

6. An bɛna mun de lajɛ nin barokun in na ani mun na?

⁶ An be se ka nafa sɔrɔ cogo di o nilifɛn kabakoman na ani an ka jurumuw ka yafa an ma? Walisa k’o ɲiningali jaabi, an ka Bibulu ka kuma dɔw, n’u kɔrɔ lajɛ. Jehova ye min kɛ walisa k’an ka jurumuw yafa, n’an tora ka miiri o la, an bena a waleɲuman lɔn kosɔbɛ.

 KUNTILENNA: JƐƝƆGƆNYA ƝUMAN MƆGƆW NI JEHOVA CƐ

7. Hadama ni Hawa bɔnɛna fɛn nafama jumɛn de la? (b) Ikomi an bɛɛ ye Hadama ni Hawa bɔnsɔnw ye, an mako bɛ mun de la tigitigi? (Romɛkaw 5:10, 11)

⁷ Tuma min na Adama ni Awa ye jurumu kɛ, u bɔnɛna ɲɛnamaya banbali jigiya la. Nka o dɔrɔn tɛ. U tun be jɛnɲɔgɔnya ɲuman min kɛra n’u Faa Jehova ye, u bɔnɛna o la fana. A daminɛ na, Adama ni Awa tun ye Ala ka denbayamɔgɔ dɔw ye (Luka 3:38). Nka tuma min na u ye jurumu kɛ, a y’u gwɛn ka bɔ a ka denbaya kɔnɔ. O kɔ le, u ye deenw sɔrɔ (Zɛnɛzi 3:23, 24; 4:1). An ye u deenw ye minkɛ, an mako b’a la ka bɛɛn sigi ni Jehova ye (Ɔrɔmukaw 5:10, 11 kalan). O kɔrɔ ko an ka ɲi ka jɛnɲɔgɔnya ɲuman kɛ n’a ye. Ka kɛɲɛ ni lɔnni gafe dɔ ye, gɛrɛkikan kumaden min bayɛlɛmana ko “bɛɛn,” o kɔrɔ be se ka kɛ fana “k’i jugu dɔ kɛ i teri ye.” Min b’an kabakoya, o ye ko Jehova yɛrɛ lo ye labɛnw kɛ walisa an ka se ka teriya kɛ n’ale ye k’a sɔrɔ an tun y’a juguw ye. A y’o kɛ cogo di do?

KO MIN SIGIRA SEN KAN: JURUMU YAFA SARAKA

8. Jurumu yafa saraka ye mun de ye?

⁸ Hakɛ yafa saraka ye labɛn ye Jehova ye min bila sen kan walisa adamaden jurumutɔw ka se ka jɛnɲɔgɔnya ɲuman kɛ n’ale ye kokura. Walisa k’o kɛ, a ye fɛɛn dɔ falen ni fɛɛn wɛrɛ ye minw nafa ye kelen ye. O la, Adama bɔnɛna min na, an be se ka segi k’o sɔrɔ. Jehova ye labɛn min kɛ walisa an ka kɛ a teriw ye, Gɛrɛkikan sɛbɛninw kumana o koo la fana.—Ɔrɔm. 3:25.

9. Jehova ye ko jumɛn de sigi sen kan walasa Israɛldenw ka jurumuw ka se ka yafa u ma waati dɔ kɔnɔ?

⁹ Walisa Israɛldenw ka jɛnɲɔgɔnya ɲuman kɛ n’ale ye, Jehova tun ye labɛn dɔ kɛ wagati dɔ la janko k’u ka jurumuw yafa u ma. Saan o saan, Israɛldenw tun be ɲɛnagwɛ kɛrɛnkɛrɛnnin dɔ kɛ loon dɔ la. O tun be weele ko hakɛ yafalon. O loon na, sarakalasebagaw kuntigi tun be bɛgɛnw saraka jama ye. Nka, bɛgɛn sarakaw tun tɛ se ka mɔgɔw ka jurumuw yafa pewu pewu. Mun na do? Sabu adamaden nafa ka bon ni bɛgɛn ye. Nka, Jehova tun be saraka minw ɲini Israɛldenw fɛ, tuma o tuma n’u tun nimisara ani k’o sarakaw bɔ, a tun be yafa u ma (Eburuw 10:1-4). Ka fara o kan, Israɛldenw tun be saraka minw bɔ hakɛ yafalon na ani wagati wɛrɛw la, o tun b’u hakili jigi k’u ye jurumutɔw ye. O tun b’u hakili jigi fana ko u mako gwɛlɛ be fɛɛn dɔ la min be se k’a to u ka jurumuw be yafa pewu pewu!

10. Jehova ye ko jumɛn de sigi sen kan walasa mɔgɔw bɛɛ ka jurumuw ka se ka yafa u ma kudayi?

¹⁰ Jehova ye labɛn dɔ kɛ walisa an ka jurumuw ka yafa pewu pewu! A y’a kɛ a Dencɛ kanulen y’a “yɛrɛ saraka siɲɛ kelen, ka mɔgɔ bɛɛ ka hakɛw yafa.” (Eburuw 9:28). Yezu y’a “yɛrɛ nii di ka kɛ mɔgɔ bɛɛ nii kunmabɔ sara ye.” (Mat. 20:28). Kunmabɔsara ye mun lo ye?

SƆNGƆ: KUNMABƆSARA

11. (a) Ka kɛɲɛ ni Bibulu ye, mun na kunmabɔsara tun ka kan ka sara? (b) Jɔni de tun bɛ se ka kunmabɔsara di?

¹¹ Ka kɛɲɛ ni Bibulu ye, Jehova y’a latigɛ ko kunmabɔsara dɔ tun ka ɲi ka di walisa an ka jurumuw ka yafa ani an ka kɛ a teriw ye. a Sɔngɔ juman lo tun ka ɲi ka sara walisa Adama bɔnɛna min na, adamadenw ka se k’o sɔrɔ kokura? A to i hakili la ko Adama ni  Awa bɔnɛna u niin dafanin ani ɲɛnamaya banbali jigiya la. O la, u bɔnɛna min na, o ni kunmabɔsara sɔngɔ bɛɛ tun ka ɲi ka kɛ kelen ye (1 Tim. 2:6). Mɔgɔ min tun be se ka kunmabɔsara di, o tigi tun ka ɲi ka kɛ 1) cɛɛ dafanin ye, 2) min be se ka ɲɛnamaya kɛ fɔɔ abada dugukolo kan ani 3) min tun bena sɔn k’a niin saraka an kosɔn. O dɔrɔn lo tun bena a to Adama bɔnɛna min na, o tigi niin ka se k’o sɔngɔ sara.

12. Mun na Yesu tun bɛ se ka o kunmabɔsara di?

¹² An ka koo saba lajɛ minw y’a to Yezu sera ka kunmabɔsara sɔngɔ sara. 1) A tun dafanin lo, o kɔrɔ, “a ma hakɛ kɛ ka ye.” (1 Piyɛri 2:22). 2) A tun be se ka ɲɛnamaya kɛ fɔɔ abada dugukolo kan. 3) A tun labɛnnin lo k’a niin saraka an kosɔn (Eburuw 10:9, 10). Yezu tun ye cɛɛ dafanin ye i ko cɛɛ fɔlɔ Adama sanni a ka jurumu kɛ (1 Kor. 15:45). Yezu y’a niin di an kosɔn minkɛ, Adama bɔnɛna min na, a sera k’o sɔngɔ tigitigi sara (Ɔrɔm. 5:19). O la, Yezu kɛra “Adama laban” ye. Adama bɔnɛna min na, kuun t’a la mɔgɔ dafanin wɛrɛ ka na walisa k’o sɔngɔ sara sabu Yezu sara “siɲɛ kelenpe.”—Eburuw 7:27; 10:12.

13. Faranfasi jumɛn bɛ jurumu yafa saraka ni kunmabɔsara cɛ?

¹³ Ayiwa, faranfasi juman lo be hakɛ yafa saraka ni kunmabɔsara cɛ? Hakɛ yafa saraka ye labɛn ye Jehova ye min bila sen kan walisa adamadenw ka se ka jɛnɲɔgɔnya ɲuman kɛ n’ale ye kokura. Kunmabɔsara ye sɔngɔ ye min sarala walisa adamaden jurumutɔw ka se ka jɛnɲɔgɔnya ɲuman kɛ ni Ala ye kokura. O sɔngɔ ye Yezu joli nafamanba lo ye, a y’o min bɔn an kosɔn.—Efɛz. 1:7; Eburuw 9:14.

NAFA MINNU BƐ SƆRƆ: KUNMABƆLI ANI KA JATE MƆGƆ TILENNENW YE

14. An bɛna mun de lajɛ sisan ani mun na?

¹⁴ Jehova ye min kɛ an ye, o b’an nafa cogo di? Walisa k’o ɲiningali jaabi, an bena Bibulu ka kuma fila kɔrɔ lajɛ. O bena an dɛmɛ k’a faamu an be nafa minw sɔrɔ Jehova ka yafali la.

15-16. (a) Bibulu kɔnɔ “kunmabɔli” kɔrɔ ye mun de ye? (b) K’a dɔn ko an bɛ se ka hɔrɔnya ka bɔ jurumu ni saya la, o bɛ mun de kɛ an na?

¹⁵ Bibulu b’a fɔ ko kunmabɔsara dira minkɛ, an kunmabɔra, o kɔrɔ, an hɔɔrɔnyara. Ciden Piyɛri y’o ɲɛfɔ ten ko: “Aw b’a lɔn ko aw kuun ma bɔ aw faaw ka koo fufafuw la ni wari ye, walima ni sanu ye min ye banta ye. Nga aw kunmabɔra ni joli ɲanaman le ye, Krista joli, min kɛra i n’a fɔ sagaden, fiɲɛ ni nɔɔ te min na.”—1 Piyɛri 1:18, 19.

¹⁶ Kunmabɔsara barika la, an be se ka hɔɔrɔnya ka bɔ jurumu ni saya la, o minw be tɔɔrɔba la an kan (Ɔrɔm. 5:21). An be Jehova ni Yezu waleɲuman lɔn kosɔbɛ sabu an hɔɔrɔnyara Yezu joli nafamanba barika la.—1 Kor. 15:22.

17-18. (a) Ka jate mɔgɔ tilennen ye, o kɔrɔ ye mun de ye? (b) Ka jate mɔgɔ tilennen ye, o bɛna an nafa cogo di?

¹⁷ Ka jati mɔgɔ tilennin ye, o kɔrɔ ko jalaki minw tun be an kan, u jɔsira ka bɔ yen pewu. O bɛɛ n’a ta, Jehova ye sariya tilennin minw sigi, a t’o tiɲɛ. A t’an jati mɔgɔ tilenninw ye sabu an ka kan n’o ye ani a t’a ɲɛɛ tugu an ka jurumuw kan. Nka Jehova be sɔn k’an ka jurumuw yafa sabu an limaniyanin lo hakɛ yafa saraka ani kunmabɔsara koo la.—Ɔrɔm. 3:24; Gal. 2:16.

¹⁸ Ni Jehova y’an jati mɔgɔ tilennin ye, o b’an nafa cogo di? Minw sugandira ka  taga mara kɛ ni Yezu ye sankolo la, Ala ye olu jati mɔgɔ tilenninw ye ka ban ani u kɛra a deenw ye (Titi 3:7; 1 Zan 3:1). U ka jurumuw yafara u ma. A kɛra komi u ma jurumu kɛ ka ye ani o kama, u be se ka don Ala ka Masaya kɔnɔ (Ɔrɔm. 8:1, 2, 30). Minw ka jigiya ye ka ɲɛnamaya kɛ dugukolo kan, olu fana jatira mɔgɔ tilenninw ye. U kɛra Ala teriw ye ani u ka jurumuw yafara u ma (Zaki 2:21-23). Jamaba mɔgɔw bena kisi Arimagedɔn kɛlɛ la ani n’a sɔrɔ u tɛna sa fewu (Zan 11:26). “Mɔgɔ tilennenw ni mɔgɔ tilenbaliw” suu bena kunu (Kɛw. 24:15, Bible senuma; Zan 5:28, 29). A laban, Jehova sagokɛla kantigi minw be dugukolo kan, u bɛɛ bena “Ala denw ta hɔrɔnya nɔɔrɔ sɔrɔ.” (Ɔrɔm. 8:21, Bible senuma). Wagati min na an bena se k’o jɛnɲɔgɔnya ɲɔgɔn kɛ n’an Faa Jehova ye, an kɔrɔtɔnin lo o ka se!

19. An ka ɲɛnamaya yɛlɛmana ka ɲɛ cogo di? (koorilen nin fana lajɛ: “ Jehova ka yafali.”)

¹⁹ Kanbele min kofɔra barokun daminɛ na, ale bangebagaw sara ka juruba lo to a ye, a tun tɛ se ka min sara abada. Tiɲɛn na, an ka koow tun bɔnin be a ta ma. Nka, an be barika la Jehova ye sabu a y’an dɛmɛ. Hakɛ yafa saraka ani kunmabɔsara sababu la, an ka koow cogoya yɛlɛmana. An limaniyara Yezu Krista la minkɛ, o y’a to an kunmabɔra, o kɔrɔ, an hɔɔrɔnyara ka bɔ jurumu ni saya la. Jehova mana an ka jurumuw yafa, a be kɛ komi an m’o jurumu kɛ ka ye. Min yɛrɛ kɔrɔtanin lo ka tɛmɛ o bɛɛ kan, o ye ko kabi sisan, an be se ka jɛnɲɔgɔnya ɲuman kɛ n’an sankolola Faa kanutigi Jehova ye.

20. An bɛna mun de ye kalansen nata la?

²⁰ Jehova ni Yezu ye min kɛ an ye, n’an be to ka miiri o la, an bena u waleɲuman lɔn kosɔbɛ o kosɔn (2 Kor. 5:15). N’u ka dɛmɛ tun tɛ, an tun tɛna kɛ ni jigiya foyi ye! Nka, Jehova ka yafali ɲɛsinna an kelen kelen bɛɛ ma cogo di? An bena o lo lajɛ barokun nata la.