Zanwuyekalo tile 15-21
JOB 36-37
Dɔnkili 147 ani delili | Ɲɛbilakuma (miniti 1)
1. Kun minnu na an bɛ se ka da Ala ka layidu la, a ye min ta ɲɛnamaya banbali ko la
(miniti 10)
Jehova yɛrɛ bɛ ɲɛnamaya la fo badaa (Job 36:26; w15-F 1/10 13 § 1-2)
Hakilitigiya ni fanga bɛ Jehova bolo walisa ka ɲɛnamaya kɔkɔrɔdon (Job 36:27, 28; w20.05-F 22 § 6)
An bɛ se ka ɲɛnamaya banbali sɔrɔ cogo min na, Jehova bɛ an kalan o la (Job 36:4, 22; Yuhana 17:3)
Ni dannayaba bɛ an na ka ɲɛsin Ala ka layidu ma a ye min ta ɲɛnamaya banbali ko la, o bɛ an dɛmɛ ka se sɔrɔ gɛlɛyaw kan. —Heburuw 6:19; w22.10-F 28 § 16.
2. Ɲinini kɛ ka dɔnniya sɔrɔ Bibulu kɔnɔ
(miniti 10)
-
Job 37:20—Kibaruw ani kunnafoniw tun bɛ lase cogo di jamanaw la minnu kofɔra Bibulu kɔnɔ? (it-1-F 503)
-
E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?
3. Bibulu kalanjɛ
(miniti 4) Job 36:1-21 (th kalansen 2)
4. Baro daminɛ mɔgɔw fɛ
(miniti 3) SEEREYA FOROBAYƆRƆ LA. (lmd kalansen 3 tomi 3)
5. Segin-ka-bɔnyew kɛ
(miniti 4) DU NI DU. (lmd kalansen 2 tomi 5)
6. I ka dannayakow ɲɛfɔ
(miniti 5) Jɛmu. ijwfq 57-F § 5-15—Barokun: Mun na mɔgɔw ye Jehova Seerew tɔɔrɔ diɲɛ Kɛlɛba Filanan waati la? (th kalansen 18)
Dɔnkili 49
7. An ka an labɛn kow kama minnu tɛ taa furakɛli walima opereli kɔ
(miniti 15) Baro. O bɛ ɲɛminɛ diinɛ maakɔrɔ dɔ fɛ.
Jehova ka jɛkuluba ye fɛnw di an ma walisa ka an dɛmɛ ka Ala ka sariya labato minnu ɲɛsinnen bɛ joli ma. (Kɛwalew 15:28, 29) Yala aw bɛ ka baara kɛ koɲuman ni o fɛnw ye wa?
Instructions médicales/Désignation d’une personne de confiance (Furakɛlicogo fɛɛrɛ karti) (carte DPA) ani Attestation individuelle (carte ic): Mɔgɔ b’a fɛ baara ka kɛ n’a jɔli ye cogo min na furakɛli hukumu kɔnɔ, nin karti ninnu bɛ o ɲɛfɔ. Weleweledala minnu batisera, olu bɛ se ka u yɛrɛw ka DPA karti sɔrɔ balima fɛ, min bɛ sɛbɛnw koɲɛw kunna. U bɛ se fana ka Attestation individuelle sɛbɛn sɔrɔ a fɛ, u ka denmisɛn fitininw kama. O kartiw ka kan ka sɔrɔ an kun tuma bɛɛ. Ni i ka kan ka o sɛbɛn dɔ lafa walima ka o lakuraya, i kana o kɛli bila kɔfɛ.
Informations pour les femmes enceintes (Kunnafoniw muso kɔnɔmaw kama) (S-401) ani kunnafoniw ka ɲɛsin banabagatɔw ma minnu bɛ opere walima minnu bɛ chimiothérapie kɛ (furakɛli cogo dɔ min bɛ kansɛri bana fɛnw faga walima k’u bali u kana caya) (S-407): Nin sɛbɛnw bɛ an dɛmɛ an labɛnnen ka kɛ furakɛliw kama ani kow kama baara bɛ kɛ ni joli ye minnu na. Ni i kɔnɔma don walima ni i ka kan ka opere walima ni i b’i furakɛ kansɛri bana kama, sɛbɛn min bɛ i kun kan i ka o kelen ɲini diinɛ maakɔrɔw fɛ.
Comité de liaison hospitalier (CLH) (Banabagatɔw ka kow ɲɛnabɔbagaw ka komite): O komite mɔgɔw ye diinɛ maakɔrɔ dɔw de ye minnu labɛnnen bɛ kosɛbɛ walisa ka kunnafoniw di joli kow kan dɔgɔtɔrɔw ani weleweledalaw ma. U bɛ se ka kuma i ka dɔgɔtɔrɔ fɛ furakɛli cogo suguw kan minnu bɛ yen walisa joli kana don i la. N’a bɛ se ka kɛ, u bɛ se ka dɔgɔtɔrɔ dɔ ɲini min bɛna sɔn i ka latigɛli ma. I bɛ se ka u lasɔrɔ don o don ani waati bɛɛ la. Ko o ko bɛ se ka i lada dɔgɔtɔrɔso la, kɔn ka o fɔ joona CLH mɔgɔw ye, opereli walima furakɛli sugu dɔ i n’a fɔ kansɛri furakɛli, olu sen b’o la. O kɛ hali n’a bɛ iko jolidon ko sen t’a la. I fana ka kan ka o kɛ ni i ye muso kɔnɔma ye. Ni i mago bɛ dɛmɛ na, CLH mɔgɔw lasɔrɔcogo ɲini diinɛ maakɔrɔ dɔ fɛ.
Nin WIDEYO jira Banabagatɔw ka kow ɲɛnabɔbagaw ka komitew—U bɛ mɔgɔw dɛmɛ cogo di? O kɔ, ɲininkali ninnu kɛ mɔgɔw la:
CLH mɔgɔw bɛ se ka i dɛmɛ cogo di ni kow ye i sɔrɔ minnu tɛ taa furakɛli walima opereli kɔ?
