Jehova ka mɔgɔw bɛɛ bɛ se ka fɛnw kɛ a ye a hakili tɛna bɔ minnu kɔ abada. I n’a fɔ bangebaga min bɛ a denw kanu ni a tɛna ɲinɛ abada a denw ka ko ɲuman kɛlenw kɔ, Jehova fana tɛna ɲinɛ an ka kɛtaw ani an ka kanuya kɔ an ye min jira a tɔgɔ kosɔn. (Matiyu 6:20; Heburuw 6:10) Tiɲɛ don ko an sekow ni an ka kow cogoyaw tɛ kelen ye. O bɛɛ n’a ta, an bɛ baara min kɛ Jehova ye, ni an ye an seko bɛɛ kɛ o baara la, an bɛ se ka nisɔndiya sɔrɔ. (Galasikaw 6:4; Kolosekaw 3:23) Sanw kɔnɔna na, balimakɛ ni balimamuso ba caman ye baara kɛ Betɛliw la. Yala i bɛ se k’a bɔ i yɛrɛ la ka Betɛli baara kɛ wa? Ni o tɛ se ka kɛ, yala i bɛ se ka dusu don mɔgɔ wɛrɛ kɔnɔ o tigi ka o kɛ walima ka Betɛli kɔnɔmɔgɔ dɔ dɛmɛ a ka ta’a fɛ ka o baara kɛrɛnkɛrɛnnen kɛ wa?

WIDEYO LAJƐ MIN TƆGƆ YE KO QUE PEUX-TU FAIRE POUR SERVIR AU BÉTHEL ? O KƆ AW KA NIN ƝININKALI NINNU JAABI:

• Mun de ka kan ka an bila ka baara kɛ Betɛli la?

• Mɔgɔ dɔw ye mun de fɔ dubaw ko la minnu bɛ sɔrɔ ni i bɛ Betɛli baara la?

• Walasa ka baara kɛ Betɛli la, fɛn jumɛnw de ɲininen bɛ i fɛ?

• I bɛ se ka a ɲini ka taa baara kɛ Betɛli la cogo jumɛn na?