MUN NA O NAFA KA BON: Zakari ye kiraya kɛ ko mɔgɔw na bɔ kan fɔbaaw ni siyaw bɛɛ la ka sɔn kibaru duman ma. (Zakari 8:23) Nka jɔn de bɛna u kalan? (Romɛkaw 10:​13-15) Ka kibaru duman fɔ mɔgɔw bɛɛ ye an ka waajulikɛyɔrɔ la, o bonya ni o jɔyɔrɔ dira an ma.—od 84 § 10-11.

AN BƐ SE KA O KƐ COGO MIN NA

• An ka an labɛn. Yala aw ni mɔgɔw bɛ bɛn minnu bɛ kan wɛrɛ fɔ wa? Aw bɛ se ka jiracogo misali nɔgɔmanw dege application JW Language kan. Walima aw bɛ se ka baara kɛ ni aw ka telefoniw ye walasa k’a jira mɔgɔw la u bɛ se ka kunnafoni caman sɔrɔ cogo min na u yɛrɛ ka kanw na jw.org kan

• An ka kɔlɔsili kɛ. Ni aw bɛ waajuli la du ni du, ni aw ye cogoya ɲuman sɔrɔ ka seereya kɛ tɛmɛnbagaw kun walima minnu jɔlen bɛ ka mobili kɔnɔ, aw kana a to o ka taa ka aw dan. Ni aw sen bɛ forobayɔrɔ waajuli la, aw sinsinnen ka to aw kuntilenna kan, ni o ye ka seereya kɛ

• An ka an timinandiya. An ka taa a fɛ k’a ɲini ka mɔgɔw lasɔrɔ minnu tɛ kɛ u ka so. An ka an jija ka segin ka na kuma hali mɔgɔ kelen fɛ o so kelen kelen bɛɛ kɔnɔ, laala an bɛ se ka na o kɛ waati wɛrɛ la tile tɔ kɔnɔ walima don wɛrɛ la dɔgɔkun kɔnɔna na. An bɛ se ka an barokɛɲɔgɔn dɔw lasɔrɔ lɛtɛrɛ, telefoni walima seereya fɛ siradaw la

• An ka kolatigɛtaw waleya. Mɔgɔ o mɔgɔ mana a jira ko kibaru duman ka di a ye, an ka segin joona ka ta bɔ o tigi ye. Ni a tigi bɛ kan wɛrɛ fɔ, an ka mɔgɔ dɔ ɲini min bɛ se ka a dɛmɛ a ka kan na. An ka kan ka taa a fɛ ka taa bɔ a ye fɔ ka se don ma, min na weleweledala min bɛ a ka kan fɔ taara bɔ a ye.—od 94 § 39-40

WIDEYO MIN TƆGƆ YE KO ILS PRÊCHENT DANS « LA RÉGION LA PLUS LOINTAINE DE LA TERRE » O JIRA, O KƆ AW YE NIN ƝININKALI NINNU SƐGƐSƐGƐ:

• An balimakɛw ni an balimamusow ye labɛn jumɛnw de kɛ walasa ka taa mɔgɔw lasɔrɔ, minnu bɛ yɔrɔjanw na? (1 Kɔrɛntekaw 9:22, 23)

• U ye se sɔrɔ gɛlɛya jumɛnw de kan?

• U ye duba jumɛnw de sɔrɔ?

• E bɛ se ka cɛsiri jumɛnw de kɛ walasa ka mɔgɔ caman lasɔrɔ i ka waajulikɛyɔrɔ la?