Te uyinmwẹ emwa ni bun ghi wa rhia yọ rhia yọ. Vbe igiemwi, emwa ni khuọnmwi wa van mu ọbo ebo ni gbaroghe iran; emwa ni do rri evbare vbe ebuka wa rhovbiẹ emwa ni khiẹn evbare ne iran, ekhẹn ni la imọto gha rrovbiẹ e conductor, ivbi esuku ni ma rẹn enegbe ghi gha ya ọmamwaemwi ọghe iran gbogiẹ, iran ghi vbe gha rhovbiẹ ọre; emwa eso ni rre ukpo arriọba keghi mwẹ obọ vbe uyinmwẹ dan, eso ghi vbe gha hoo ne emwa gha ghee iran zẹvbe ọmwa esi.

 E Baibol ẹre ọ tama ima odẹ nọ khẹke ne ọmwa ya gha yin. E Baibol vbe tama ima emwi nọ si ẹre, ne uyinmwẹ emwa na rhia yọ rhia yọ vbe ẹdẹnẹrẹ.

 Vbe ehe hia vbe uhunmwu otagbọn te uyinmwẹ emwa wa rhia yọ rhia yọ.

•   Vbe a ghi nọ Ivbi America eso ọta vbọ ma he kpẹẹ gbe na, iran na wẹẹ, ẹghẹ na ẹre uyinmwẹ emwa ni rre United States ghi ya rhia sẹ ke odẹ ukpo 22 gha dee.

•   Vbe a ghi nọ emwa ni gberra 32,000 ni ke ẹvbo 28 rre ọta, orhunmwu 20,800 keghi kha wẹẹ, ke na ya biẹ iran, uyinmwẹ emwa ma he rhia sẹ vbenian ẹdẹ.

 E Baibol ka tae yotọ wẹẹ, te uyinmwẹ emwa khian gha rhia yọ rhia yọ.

•   “Ẹghẹ nọ wegbe ẹre ẹdẹ okiekie khian gha khin, te emwi hia khian gha lọghọ. Rhunmwuda, emwa gha hoẹmwẹ egbe iran ọkpa, iran ghi hoẹmwẹ igho, iran ghi gha rhuọ, iran ghi gha tọn egbe mu, iran ghi gha rhoo, emọ i ghi họn ẹmwẹ ne evbibiẹ iran, emwa i ghi kpọnmwẹ ẹse, . . . emwa i ghi mwẹ ẹnina, [kevbe] emwa i ghi sẹtin da egbe iran yi.”​—2 Timoti 3:1-3.

 Deghẹ u hoo ne u rẹn sayọ vbekpa vbene ẹmwẹ akhasẹ na ya sẹ hẹ vbe ẹdẹnẹrẹ, ya tie uhunmwuta na, “Did the Bible Predict the Way People Think and Act Today?”

 Agharhemiẹn wẹẹ, te uyinmwẹ emwa ni bun ghi wa rhia yọ rhia yọ vbe ẹdẹnẹrẹ, e Baibol ru iyobọ ne ẹbo emwa ni bun nẹ ya gha mwẹ uyinmwẹ esi. Ma gha sẹtin mu ẹtin yan avbe adia ni rre uwu e Baibol rhunmwuda, ‘iran i fiwerriẹ ẹdẹ.’ (Psalm 111:8) Gi ima guan kaẹn adia eso:

•   Emwi ne Baibol khare: “Emwi hia ne uwa hoo ne emwa ru ne uwa, ọ khẹke ne uwa vbe ru ẹre ne iran.”​—Matiu 7:12.

   Emwi nọ demu: Deghẹ ima hoo ne emwa gha ya obọ esi mu ima kevbe ne iran gha rhie ọghọ ne ima, obọ vberriọ ẹre ọ khẹke ne ima vbe ya gha mu emwa.

•   Emwi ne Baibol khare: “Ugbẹnvbe a miẹn wẹẹ, wa mu uyinmwẹ erẹrẹ fua nẹ, te ọ khẹke ne dọmwadẹ ọghẹe vbe uwu uwa gha ta ẹmwata ma ogieva ẹre.”​—Ẹfisọs 4:25.

   Emwi nọ demu: Te ọ khẹke ne ima gha taa ẹmwata vbe emwi hia ne ima ru.

 Deghẹ u hoo ne u rẹn sayọ, ya tie avbe uhunmwuta na:

•   Ebe Owa Ọkhẹ nọ mwẹ uhunmwuta na, “Right and Wrong​—A Guide You Can Trust.”

•   Uhunmwuta nọ khare wẹẹ, “Tolerance​—How the Bible Can Help.”