RHIEGBE YE IWINNA IKPORHU IYẸN NỌ MAAN | EMWI NỌ GHA YA RUẸ GHA SỌYẸNMWẸ IWINNA IKPORHU SAYỌ
Maa Emwa Ne U Ya E Baibol Maa Re Emwi Vbene Iran Khian Ya Tobọ Iran Gha Rri Evbare Orhiọn
Vbọ gberra emwi ne ima maa emwa ne ima gu ruẹ e Baibol re, te ọ khẹke ne iran vbe gha ruẹ emwi ne egbe iran, ne iran mieke na sẹtin do rẹn e Jehova kevbe ne iran deziẹn vbe odẹ ọghe orhiọn. (Mat 5:3; Hib 5:12–6:2) Te ọ wa khẹke ne iran rẹn vbene iran khian ya tobọ iran gha rri evbare orhiọn.
U gha wa da suẹn gha ya e Baibol maa emwa emwi, u ghi maa iran vbene iran khian ya gha mu egbe iruẹmwi yotọ hẹ, u ghi vbe rhie igiọdu ne iran, ne iran gha ru vberriọ. (mwb18.03 6) Tama iran ne iran gha na erhunmwu, vbe ẹghẹ ke ẹghẹ ne iran khian ya ruẹ emwi ne egbe iran. Gie wẹbsait ọghomwa ma iran, u ghi vbe gu iran danlod avbe application ughughan ne otu ọghe Jehova kpemehe ẹre, nọ gha ru iyobọ ne iran. Iyeke ọni, u ghi maa iran vbene a ya loo ẹre hẹ. Maa iran vbene a ya miẹn emwi ọgbọn nọ ladian vbe jw.org kevbe JW Broadcasting®. Gi iran rẹn wẹẹ, ọ khẹke ne iran gha tie Baibol vbe ẹdẹgbegbe, ọ khẹke ne iran gha mu egbe iko yotọ kevbe wẹẹ, ọ khẹke ne iran gha ru ezanzan deghẹ ọ mwẹ emwi eso nọ sunsun ye iran aro. U ghi yerre wẹẹ, te u khian fẹko gha maa iran avbe emwi na. Ru iyobọ ne iran, ne iran gha ru erria yan emwi ne iran ruẹ.
GHEE VIDIO NỌ MWẸ UHUNMWUTA NỌ KHARE WẸẸ, RU IYOBỌ NE EMWA NE U YA E BAIBOL MAA RE EMWI NE IRAN TOBỌ IRAN GHA RRI EVBARE ORHIỌN, IYEKE ỌNI, A GHI ZẸ EWANNIẸN YE AVBE INỌTA NA:
-
De vbene Neeta ya ru iyobọ ne Jade ya rẹn wẹẹ, na gha ruẹ emwi gberra na wa gha sama ye ewanniẹn ọghe avbe inọta ni rre ako na tie?
-
Vbọ ru iyobọ ne Jade ya rẹn wẹẹ, te ẹmwẹ ne Jehova tae wa gba, nọ na wẹẹ, na ghẹ ru oghẹ?
-
Maa emwa ne u gu ruẹ emwi vbene iran khian ya gha ruẹ emwi vbe odẹ nọ gha ya sẹ iran ekhọe
De emwi ne Jade ghi do rẹn vbekpa na gha ru erria yan emwi na tie?
