May 19-25
ITAN 14
Ihuan 89 Kevbe Erhunmwu | Ẹmwẹ Ọghe Omuso (Ifuanro 1)
1. Mu Emwi Ke Emwi Ne U Khian Ru Roro Vbe Odekun Ẹrhia Gha Sunu
(Ifuanro 10)
Ẹ i re “ẹmwẹ” hia ne u họẹn, ẹre ọ khẹke ne u yayi (Itan 14:15; w23.02 23 ¶10-12)
Ghẹ wa gha ya emwi nọ rrọọ ruẹ ekhọe ru emwi, ra ne u mu ẹtin yan egbuẹ rhunmwuda emwi ne u he ka la gberra (Itan 14:12)
Ghẹ gha danmwehọ emwa nẹi lele adia ne otu e Jehova rhie ne ima (Itan 14:7)
EMWI NỌ KHẸKE NE U MU RORO: Ediọn, wa mu egbe ne uwa ya gha lele adia, kevbe ne uwa mu ẹtin yan e Jehova vbe odekun ẹrhia gha sunu ra?—w24.07 5 ¶11.
2. Emwi Ewe Ọghe Orhiọn
(Ifuanro 10)
-
Itan 14:17—De odẹ eso na ya khẹko “ọmwa nọ roro emwi”? (it-2 1094)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Itan 14:1-21 (th iruẹmwi 11)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ADESẸ ORERE. Ọmwa tama ruẹ wẹẹ, vbene emwi ghi ya lọghọ kpokpo irẹn vbe orhiọn, loo e Baibol ya rhie igiọdu nẹẹn. (lmd iruẹmwi 3 uhunmwu ẹmwẹ 3)
5. Rhie Obọ Lelẹe
(Ifuanro 4) KE OWA YA SẸ OWA. Rhie ebe ọghomwa ọkpa ne ọmwa ne u kporhu ma, nọ guan kaẹn emwi ne ọmwa nii ka tama ruẹ wẹẹ, irẹn hoo ne irẹn rẹn vbekpa re. (lmd iruẹmwi 9 uhunmwu ẹmwẹ 4)
6. Ya Emwa Khian Erhuanegbe
(Ifuanro 5) Rhie igiọdu ne ọmwa ne u gu ruẹ e Baibol, nọ gha tie Baibol vbe ẹdẹgbegbe, u ghi vbe ru iyobọ nẹẹn ya rẹn vbene ọ gha ya sẹtin ru ọna hẹ. (th iruẹmwi 19)
Ihuan 126
7. Mu Egbe Yotọ Khẹ Odekun Ẹrhia
(Ifuanro 15) Ọta na koko zẹ iro yan.
Ọkpa vbe ediọn ẹre ọ khian siẹnro abọ na. U ghi ya unu kaẹn ayere nọ ke abotu kevbe ẹbu ediọn rre, deghẹ ọ rrọọ.
Zẹvbe ne ima ya zin egbe “ẹdẹ okiekie” ne ima ye na, ma rẹnrẹn wẹẹ, te emwi khian ye gha wegbe yọ. (2 Tim 3:1; ya ghee study note nọ rre Mat 24:8, nwtsty) Vbe ẹghẹ ni bun, vbene odekun ẹrhia te sunu, ra vbe ọ gha sunu, a keghi rhie adia ne emwa ọghe Jehova nọ gha ya iran rẹn emwi nọ khẹke ne iran ru, ne iran mieke na miẹn uhunmwu. Adeghẹ ima hoo ne ima miẹn uhunmwu, te ọ khẹke ne ima mu egbe yotọ nian, ma ghi vbe gha ru emwi nọ gha ya ima sikẹ e Jehova sayọ.—Itan 14:6, 8.
-
Gha ru emwi nọ gha ya ruẹ sikẹ e Jehova: Gha tie Baibol vbe ẹghẹ hia, u ghi vbe gha tie avbe ebe ọghomwa. Ruẹ vbene a ya loo obẹlẹ ughughan ya kporhu. Ghẹ gi afianma fian ruẹ, deghẹ u i rre eke ne etẹn nikẹre ye. (Itan 14:30) E Jehova vbe Jesu i khian sẹ ruẹ rae ẹdẹ.—od 176 ¶15-17
-
Ru emwamwa ọghe vbene u khian ya gha gaga egbe hẹ: Vbọ gberra ẹkpo ne ima gha sẹtin mu lele egbe, ọ khẹke ne dọmwadẹ ẹgbẹe gha mwẹ evbare, amẹ, ukhunmwu kevbe emwi ọvbehe ni ru ekpataki vbe owa, nọ gha mu iran la ẹghẹ eso, a i rẹn deghẹ a na miẹn wẹẹ iran ma sẹtin ladian vbe owa vbe ẹghẹ eso.—Itan 22:3; g17.5 4
Kpee VIDIO na Uwẹ Mu Egbe Yotọ Khẹ Emwi Nọ Wegbe Nọ Gha Sẹtin Sunu Ra? Iyeke ọni, u ghi we ne etẹn zẹ ewanniẹn ye avbe inọta na:
-
De vbene Jehova gha ya sẹtin ru iyobọ ne ima hẹ, vbe odekun ẹrhia gha sunu?
-
De emwi eso ne ima gha sẹtin ru nian, ne ima ya mu egbe yotọ?
-
Vbe ima khian ya sẹtin ru iyobọ ne emwa ọvbehe ni rre eke ne odekun ẹrhia na sunu?
8. Iruẹmwi E Baibol Ọghe Iko
(Ifuanro 30) bt uhunmwuta 26 ¶18-22, ẹkpẹti nọ rre ipapa 239
