Omuso Ọghe Abọ 14
Ivbiotu e Kristi ni ghaa rrọọ vbe orre nokaro, keghi kporhu iyẹn nọ maan ọghe Arriọba Osanobua sẹ eke nọ ghi rree sẹ vbe agbọn na. Jesu ẹre ọ ghaa rhie adia ne iran, vbe nọ dekaan eke ne iran khian na kporhu. Ọ vbe rhie ẹtin ne Ivbiotu e Kristi, ne iran sẹtin gha ya urhuẹvbo ọghe emwa ọvbehe kporhu ma iran. E Jehova keghi rhie udinmwẹ ne iran, ne iran mieke na sẹtin mudia ẹse vbe iran gha werriẹ aro daa ukpokpo nọ wegbe.
Jesu keghi mu umian ọghe ẹkete ọghe Jehova ma ukọ e Jọn. Vbe umian ọvbehe ne Jọn miẹn, ọ keghi bẹghe vbene Arriọba Osanobua khian ya khọnmiotọ yan Setan hẹ vbe etẹbitẹ. E Jọn vbe miẹn umian ọghe vbene Jesu kevbe orhunmwu 144,000 khian ya gha kha yan uhunmwu otagbọn na hẹ. E Jọn vbe bẹghe vbene otagbọn hia khian ya khian e paradais hẹ. Ẹghẹ nii, emwa hia ghi koko gha ga Jehova vbuwe ọfunmwegbe.
VBE AKO NA
IRUẸMWI 94
Orhiọn Nọhuanrẹn Tuorre Yan Avbe Erhuanegbe Jesu
De ẹtin ne orhiọn nọhuanrẹn rhie ne iran?
IRUẸMWI 95
Emwi Rhọkpa Ma Sẹtin Da Iran Obọ Yi
Avbe ọkaolotu ugamwẹ ni gbe Jesu rua te gha hia ne iran ruẹ, ne erhuanegbe Jesu ghẹ ghi kporhu. Sokpan iran ma sẹtin.
IRUẸMWI 96
Jesu Keghi Zẹ E Sọl
Oghian ọghe Ivbiotu e Kristi ẹre Sọl ghaa khin, sokpan emwi eso sunu no khian ghi fi arrọọ ọghẹe werriẹ.
IRUẸMWI 97
Orhiọn Nọhuanrẹn Tuorre Yan e Kọniliọs
Vbọzẹe ne Jehova na wẹẹ ne Pita gha rrie owa ọmwa ne ẹi re Ovbi e Ju?
IRUẸMWI 98
Emwa Nibun Vbe Agbẹnvbo Ughughan Khian Ivbiotu E Kristi
Ukọ e Pọl kevbe emwa ni lelẹe khian keghi mu okhian gha rrie ẹvbo nọ rree ya kporhu.
IRUẸMWI 99
Eseghan Keghi Khian Ovbiotu E Kristi
De vbene orhiọn dan, ugbohiotọ kevbe agbada ya dekaan okha na hẹ?
IRUẸMWI 100
E Pọl Kevbe Timoti
Ọwara ukpo nibun ẹre ikpia eva na, ya winna kugbe kevbe wẹẹ ọse kankankan ẹre iran ghaa khin.
IRUẸMWI 101
Iran Mu E Pọl Gha Rrie Rom
Agharhemiẹn wẹẹ ẹbe wa vuọn odẹ, emwi rhọkpa i khian sẹtin mu idobo ye iwinna ọghe ukọ na.
IRUẸMWI 103
“Gie Arriọba Ruẹ Rre”
Umian ne Jọn miẹn ya ima rẹn vbene Arriọba Osanobua khian ya fi agbọn na werriẹ hẹ.
