Orọnmwẹ
De vbene orọnmwẹ ya suẹn hẹ?
Gẹn 1:27, 28; 2:22-24; Mat 19:4-6
De ọmwa nọ khẹke ne ọtẹn nokpia rhie, ra nọ khẹke ne ọtẹn nokhuo rọnmwẹ?
Adeghẹ ọmọ nọ dinmwiamẹ nẹ khian ru orọnmwẹ, sokpan, ọmwa nọ khian rhie ra nọ khian rọnmwẹ ma he ya egbe fiohan ne Jehova, ọ ma he vbe dinmwiamẹ, vbọzẹ nọ ma na khẹke ne evbibiẹ ọmọ nii nọ re Ovbi Otu e Kristi ọghe ẹmwata kue ye orọnmwẹ nii?
-
Igiemwi ni rre Baibol ni gha sẹtin ru iyobọ nuẹn:
-
Gẹn 24:1-4, 7—Vbe Ebraham ghi khian ọmaẹn nẹ, ọ keghi hia nọ gualọ okhuo ne ovbi ẹre ighẹ Aizik vbe uwu ẹbu emwa ni ga e Jehova, rhunmwuda, ọ ma hoo nọ rhie okhuo vbe uwu ẹbu Ivbi e Kena ni ga ẹbọ
-
Gẹn 28:1-4—Aizik keghi tama ovbi ẹre ighẹ e Jekọb nẹ ghẹ rhie Ovbi e Kena, sokpan, nọ ya gualọ okhuo vbe uwu ẹbu emwa ni ga e Jehova
-
De aro ne Jehova ya ghee emwa ni ya gha rhie okhuo, ra ni ya gha rọnmwẹ ọdọ nẹi ga irẹn?
Diut 7:3, 4
-
Igiemwi ni rre Baibol ni gha sẹtin ru iyobọ nuẹn:
-
1 Ọba 11:1-6, 9-11—Ọba e Sọlomọn keghi viọ ikhuo eghọẹn rọnmwẹ, agharhemiẹn wẹẹ uhi e Jehova gbodan yọ, ikhuo na keghi mu ẹre ekhọe rhia; ọna keghi ya ohu e Sọlomọn gha mu e Jehova
-
Neh 13:23-27—Zẹvbe ne Jehova vbe gha ye, ohu keghi mu e Nehimaia ne Gọvinọ vbe ọ ghi bẹghe Ivbi Izrẹl ni ya viọ ikhuo eghọẹn nẹi ga e Jehova rọnmwẹ, rhunmwuda ọni, ọ keghi gu iran gui, ọ na vbe dia iran ye odẹ
-
Ma gha khian ru orọnmwẹ, vbọzẹ nọ na khẹke ne ima gualọ ọmwa nọ ya ekhọe hia ga e Jehova kevbe nọ mwẹ uyinmwẹ esi?
Itan 18:22; 31:10, 28
Vbe ya ghee Ẹfis 5:28-31, 33
-
Igiemwi ni rre Baibol ni gha sẹtin ru iyobọ nuẹn:
-
1 Sam 25:2, 3, 14-17—Ọmwa nọ fe ẹre Nebal ghaa khin, sokpan, te ọ wa gha khọọ, erriọ ẹre ọ vbe ya gha ya obọ dan mu ọvbokhan rẹn ighẹ Abigẹl
-
Itan 21:9—Adeghẹ ima ma ya ẹwaẹn zẹ ọmwa ne ima khian rhie, ra ne ima khian rọnmwẹ, ma sẹtin ya de ye obọ ọmwa nọ gha ya agbọn lọghọ ima, ẹghẹ nii, orhiọn i ghi sotọ
-
Rom 7:2—Ukọ e Pọl gi ima rẹn wẹẹ, okhuo gha ghi rọnmwẹ ọdọ nẹ, ototọ ọdakha ọghe ọdọ ẹre, ẹre ọ ghi ye; levba sevba, ọmwa nọ ma gba ẹre ọdọ ẹre khin. Ọna ẹre ọ si ẹre nọ na khẹke ne okhuo nọ mwẹ ẹwaẹn gbarokotọ zẹ ọmwa nọ khian rọnmwẹ
-
A ghaa mu egbe orọnmwẹ
Vbọzẹ nọ na khẹke ne okpia gha mwẹ emwi nọ ru, nọ khian ya sẹtin gbaroghe igiowa ẹre, ọ ke suẹn gha zẹ iro orọnmwẹ?
-
Igiemwi nọ rre Baibol nọ gha sẹtin ru iyobọ nuẹn:
-
Itan 24:27—A te miẹn wẹẹ, okpia rhie okhuo, nọ vbe suẹn gha biẹlẹ, te ọ khẹke nọ wegbe obọ, nọ mieke na sẹtin gbaroghe igiowa ẹre
-
Vbọzẹ nọ na khẹke ne orhunmwu eva ni si egbe obọ gha gualọ ọmwa nọ gha rhie ude esi ne iran? Vbọzẹ nọ na vbe khẹke ne iran hia ne iran kakabọ rẹn egbe, na gha te ya miẹn wẹẹ, ose ọkpa ẹre iran wa ghee?
Itan 13:10; 1 Pit 3:3-6
-
Igiemwi ni rre Baibol ni gha sẹtin ru iyobọ nuẹn:
-
Rut 2:4-7, 10-12—E Boaz wa hia nọ rẹn aro ọmwa ne Rut khin; ọ na gha gbarokotọ ghee odẹ ne Rut ya gha winna, ọ vbe họn emwi nọ maan ne emwa ghaa ta vbekpa ẹre, ọ bẹghe obọ nọ ya gha mu ẹgbẹe ọre kevbe vbene ọ hoẹmwẹ e Jehova hẹ
-
Rut 2:8, 9, 20—E Rut keghi hia nọ rẹn aro ọmwa ne Boaz khin; ọ bẹghe obọ esi nọ ya mu emwa, vbene ọ ya zẹ emwi obọ kevbe vbene ọ hoẹmwẹ e Jehova hẹ
-
Vbọzẹ ne Jehova ma na hoo ne okpia vbe okhuo ni si egbe obọ gha mwẹ obọ vbe uyinmwẹ esakan zẹvbe ne iran ya mu egbe orọnmwẹ?
-
Igiemwi ni rre Baibol ni gha sẹtin ru iyobọ nuẹn:
-
Itan 5:18, 19—Odẹ eso rrọọ na ya rhie ahoẹmwọmwa ma, nọ ma khẹke emwa ni ma he rọnmwẹ egbe
-
Ihuan 1:2; 2:6—Vbe ẹghẹ ne ọvbokhan okpia ọkpa ne ọsuohuan kevbe ọvbokhan uvbi ne Ovbi e Siulam na gha si egbe obọ, iran keghi ru emwi eso nọ rhie ẹre ma wẹẹ, iran hoẹmwẹ egbe, sokpan, iran ma yin uyinmwẹ esakan
-
Ihuan 4:12; 8:8-10—Ọvbokhan uvbi ne Ovbi e Siulam ma rhia egbe ẹre rua, sokpan, ọ keghi da egbe ẹre yi; a keghi yae gie ogba na gbe ekẹn ga
-
Vbọzẹ nọ na khẹke ne emwa ni khian ru orọnmwẹ, ru ẹre vbe odẹ nọ gua uhi arriọba ro?
Emwi nọ bi ye ọdọ egbe
De emwi nọ khẹke ne ọdọ gha ru?
De igiemwi ọghe ọmwa nọ khẹke ne ọdọ nọ re Ovbi Otu e Kristi lele, vbe ọ ghaa loo ọdakha ọghẹe zẹvbe uhunmwuta ẹgbẹe?
Vbọzẹ nọ na khẹke ne ọdọ gha mu ọvbokhan rẹn tetete, nọ vbe gha mwẹ amuroro daa ẹre?
-
Igiemwi ni rre Baibol ni gha sẹtin ru iyobọ nuẹn:
-
Gẹn 21:8-12—Agharhemiẹn wẹẹ, iro ne Sera mu rre ma yẹẹ Ebraham, e Jehova keghi tama rẹn nọ danmwehọ ọvbokhan rẹn
-
Itan 31:10, 11, 16, 28—Ọdafẹn okhuo esi na gie re vbe ako na i ya obọ yẹnyẹn ọvbokhan rẹn, ẹ i vbe gualọ eke nọ na rriabe, sokpan, ekhọe hia ẹre ọ ya mu ẹtin yan rẹn, erriọ ẹre ọ vbe ya tian rẹn
-
Ẹfis 5:33—Ukọ e Pọl gi ima rẹn wẹẹ, emwi ne okhuo mobọ wa gualọ ọre ne ọdafẹn ọnrẹn gha rhie ẹre ma wẹẹ, ọ hoẹmwẹ ọnrẹn
-
Emwi nọ bi ye amwẹ egbe
De iwinna ne kpataki ne Jehova mu ne etẹn nikhuo ni rre owa ọdọ?
Gẹn 2:18; Kọl 3:18; Tai 2:4, 5
Te Jehova ya ukpo nọ we ne ikhuo na gha zẹ vbe uwu ẹgbẹe mu iran gbe otọ ra?
Gẹn 1:26-28, 31; 2:18
-
Igiemwi ni rre Baibol ni gha sẹtin ru iyobọ nuẹn:
-
Itan 1:8; 1 Kọr 7:4—Avbe amwẹ kevbe iye emọ mwẹ asẹ ne Osanobua rhie ne iran vbe uwu ẹgbẹe
-
1 Kọr 11:3—Ukọ e Pọl gi ima rẹn wẹẹ, vbọ gberra Osa ne Oghodua tobọre, emwa hia ni rre agbọn kevbe ẹrinmwi mwẹ ọmwa ne iran rre ototọ ẹre
-
Hib 13:7, 17—Te ọ khẹke ne emwa hia vbe uwu iko, ke ikpia ke ikhuo gha họn ẹmwẹ ne emwa na zẹ yọ nọ gha mu asanikaro
-
De vbene ọtẹn nokhuo ne ọdafẹn ọnrẹn i ga e Jehova khian ya sẹtin ya ẹko rhiẹnrhiẹn e Jehova hẹ?
Vbọzẹ nọ na khẹke ne ọtẹn nokhuo gha rhie ọghọ ne ọdafẹn ọnrẹn?
-
Igiemwi nọ rre Baibol nọ gha sẹtin ru iyobọ nuẹn:
-
Gẹn 18:12; 1 Pit 3:5, 6—E Sera wa kakabọ gha rhie ọghọ ne ọdọ ẹre, ọ na vbe gha ya ekhọe hia tie ẹre “enaẹmwẹ”
-
De aro okhuo na rhie etian na vbe uwu e Baibol?
Itan 19:14; 31:10, 13-31
-
Igiemwi ni rre Baibol ni gha sẹtin ru iyobọ nuẹn:
-
Gẹn 24:62-67—E Rebeka keghi fu ọdafẹn ọnrẹn ighẹ Aizik ẹko rre, vbe ẹghẹ ne iyẹe ya wu
-
1 Sam 25:14-24, 32-38—Ne Abigẹl na mu egbe rriotọ rinmwian e Devid, ẹre ọ zẹe ighẹ e Nebal ne ọmwa ukọnmwẹ kevbe igiowa ẹre miẹn uhunmwu
-
Ẹst 4:6-17; 5:1-8; 7:1-6; 8:3-6—Igba eva ẹre Ẹsta ne Oloi mu arrọọ ọghẹe ye ikpadede vbe ẹghẹ nọ ya bu ọdọ ẹre ne ọba, vbene ọdọ ẹre ma na gie na tie ẹre, ọ na ya rinmwiaẹn nọ gbogba ga emwa ọghe Osanobua
-
Vbene a ya ru adọlọ hẹ
De ilele eso ni rre Baibol ni gha sẹtin ru iyobọ ne ọdọ vbe amwẹ ya sọfurre ye ọlọghọmwa nọ de rre vbe orọnmwẹ?
De ilele eso ni rre Baibol ni gha sẹtin ru iyobọ ne ọdọ vbe amwẹ, ne iran ghẹ hoẹmwẹ igho gberra egbe?
Luk 12:15; Fil 4:5; 1 Tim 6:9, 10; Hib 13:5
Vbe ya ghee “Igho”
De ilele eso ni rre Baibol ni gha sẹtin ru iyobọ ne ọdọ vbe amwẹ ya zuze ye ẹmwẹ nọ dekaẹn emwa ni rre uwu ẹgbẹe kevbe avbe orruan?
Psm 34:14; Mat 19:5, 6; 1 Kọr 13:4, 5
De ilele eso ni rre Baibol ni gha sẹtin ru iyobọ ne ọdọ vbe amwẹ, vbe nọ dekaẹn emwi ọdọ vbe amwẹ na ru?
Itan 5:15-20; Mat 5:27, 28; 1 Kọr 7:3-5; 10:24; Fil 2:4; Hib 13:4
Vbọzẹ nọ na khẹke ne ima gha ghee uyinmwẹ esi ne ọdafẹn ima ra ọvbokhan ima mwẹ, ne ima gha te ya gha ghee eke ne iran i na hia?
Psm 103:14; 130:3, 4; Itan 17:9; 1 Pit 4:8
Vbọzẹ nọ na khẹke ne ima gha rherhe zuze ye ọlọghọmwa nọ de rre, ne ima vbe gha ya ahoẹmwọmwa ru ẹre, ne ima gha te ya gha mu ohu, ra ne ima gha te ya rhie ẹmwẹ ye ẹko?
Psm 37:8; Itan 14:29; Ẹfis 4:26, 27; Jems 1:19, 20
Vbọzẹ ne izohu, ọkan na vannọ kevbe ẹmwẹ ihẹn na ta, ma na zẹdẹ khẹke Ivbi Otu e Kristi? Vbọzẹ nọ ma na vbe khẹke ne ọdọ vbe amwẹ ni re Ivbi Otu e Kristi gha fi egbe emwi?
Psm 11:5; Gal 5:19-21; Ẹfis 4:31, 32; Tai 3:2
Ẹzọ gha de rre, de emwi nọ khẹke ne ọdọ vbe amwẹ hia ne iran ru?
Psm 34:14; Mat 5:9; Rom 12:17, 18, 21
De afiangbe ne ọdọ vbe amwẹ gha miẹn deghẹ iran na gha lele adia ọghe Jehova?
Asan 4:9-12
Ilele nọ rre otọ nọ dekaẹn orọnmwẹ
De ilele ne Jehova rhie yotọ vbe nọ dekaẹn emwi ọdọ vbe amwẹ kevbe orọnmwẹ?
Itan 6:32; Mat 5:27, 28; 1 Kọr 6:9, 10; Hib 13:4
Ọ khẹke ne Ivbi Otu e Kristi gha rhie gberra okhuo ọkpa ra, ra ne iran gha rọnmwẹ ọdọ nọ gberra ọkpa ra?
Vbe ima ya rẹn hẹ wẹẹ, okpia ọkpa vbe okhuo ọkpa ẹre ọ khẹke nọ gha rọnmwẹ egbe?
Gẹn 2:18, 22, 24; Mat 19:4-6; Rom 1:23-27
Vbọzẹ nọ ma na khẹke ne ọdọ vbe amwẹ sẹ egbe rae?
De emwi ọkpa ne Ebe Nọhuanrẹn khare wẹẹ, ọ gha sẹtin ya ọdọ vbe amwẹ ni re Ivbi Otu e Kristi sọọ ebe orọnmwẹ?
De aro ne Jehova ya ghee ebe orọnmwẹ na sọọ vbe odẹ nọ ma gua ilele ọghe Baibol ro?
Mal 2:13-16
Adeghẹ ọvbokhan ọmwa ra ọdafẹn ọmwa na wu, ọmwa nii gha ye sẹtin ru orọnmwẹ ra?
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
