Akhiẹ
De okha eso nọ rre Baibol nọ ya ima rẹn wẹẹ, ẹ i re emwi dan deghẹ ọmwa na gha khiẹ vbe ọmwa gha wu?
Gẹn 23:2; 24:67; 37:34, 35; 42:36; Jọn 11:19, 31, 33-36
Vbe ya ghee 2 Sam 1:17-27; Iwinna 9:36-39
Vbe ima ya rẹn hẹ wẹẹ, e Jehova gele hoo nọ fu emwa ni khiẹ ẹko rre?
Psm 34:18; Aiz 57:15; 61:1, 2
Rhunmwuda ne ima na rẹn emwi nọ sunu daa emwa ni wu nẹ, de vbene ọ ya rhie ifuẹko ne ima hẹ?
Asan 9:5, 10; 1 Tẹs 4:13
-
Igiemwi ni rre Baibol ni gha sẹtin ru iyobọ nuẹn:
-
Luk 20:37, 38—Jesu keghi kha wẹẹ, te emwa ni wulo yevbe emwa ni ye rre agbọn vbe aro Osanobua; te Jesu ta ẹmwẹ na nọ ya gi ima rẹn wẹẹ, ẹ i mwẹ ne Osanobua ghẹ huẹn emwa ni wulo kpaegbe
-
Jọn 11:5, 6, 11-14—Vbe ọsie Jesu ighẹ e Lazarọs ghi wu, Jesu keghi ya uwu gie ovbe
-
Hib 2:14, 15—Ukọ e Pọl ya ima rẹn wẹẹ, ọ ma khẹke ne ima yevbe emwa ni ya egbe iran khian eviẹn, rhunmwuda ohan uwu nọ mu iran
-
Vbọzẹ na gha na sẹtin kha wẹẹ, ọmwa gha wu nẹ, ẹre ọmwa nii na kue hin usi sẹ vbe aro Osanobua?
Itan 22:1; Asan 7:1, 2
De vbene Baibol ya gie uwu hẹ? De emwi ne Osanobua khian ru vbekpa ẹre?
Aiz 25:8; 1 Kọr 15:26; Arhie 20:14; 21:3, 4
Vbe ima ya rẹn hẹ wẹẹ, arhiọkpaegbe gha gele sunu vbe odaro?
Aiz 26:19; Jọn 5:28, 29; Iwinna 24:15
-
Igiemwi ni rre Baibol ni gha sẹtin ru iyobọ nuẹn:
-
Okha ọghe orhunmwu ihinrin na huẹn kpaegbe ẹre ọ rre Baibol; erẹnrẹn vbọ keghi re ọghe emwa na huẹn kpaegbe, iran na werriegbe gha rre agbọn na. Dọmwadẹ okha na gha sẹtin rhie ifuẹko ne emwa ni khiẹ emwa iran ni wulo, ọ gha vbe sẹtin rhie ilẹkẹtin ne iran wẹẹ, emwa iran gha rhiọ kpaegbe vbe odaro
-
1 Ọba 17:17-24—Akhasẹ ighẹ Ẹlaija keghi huẹn ovbi okhuo ọkpa nọ dẹgbẹe kpaegbe vbe ẹvbo ọkpa na tie ẹre Zẹrafat vbe Saidọn
-
2 Ọba 4:32-37—Akhasẹ ighẹ Ẹlaisia keghi huẹn ọvbokhan okpia ọkpa kpaegbe vbe Siunẹm, ọ na rhie ẹre ne evbibiẹ ọre
-
2 Ọba 13:20, 21—Okpia ọkpa nọ da wu keghi rhiọ kpaegbe, vbe ikun ẹnrẹn ghi dekaẹn ugboloko Ẹlaisia ne akhasẹ
-
Luk 7:11-15—Vbe Jesu ghi miẹn ẹbu emwa ni khian ya ree ovbi okhuo ọkpa nọ dẹgbẹe nọ wu vbe Nein, Jesu keghi huẹn ọnrẹn kpaegbe
-
Luk 8:41, 42, 49-56—Ovbi okpia ọkpa na tie ẹre Jerọs nọ ghaa rre ukpo ọdakha vbe sinagọg ghi wu, Jesu keghi huẹn ọnrẹn kpaegbe
-
Jọn 11:38-44—Jesu keghi huẹn ọsiọre ighẹ e Lazarọs kpaegbe, ẹkpotọ keghi kie ne Mata vbe Meri ne iran ya werriegbe miẹn ọtẹn iran nọ te wu
-
Iwinna 9:36-42—Ukọ e Pita keghi huẹn e Dọkas kpaegbe; ọtẹn nokhuo ne emwa hia hoẹmwẹ ọnrẹn, ne obọ ẹse vbe tọlọ ghaa nọ
-
Iwinna 20:7-12—Vbe ọvbokhan okpia ọkpa na tie ẹre Yutikọs ghi ke ewindo de, ọ na wu; ukọ e Pọl keghi huẹn ọnrẹn kpaegbe
-
-
E Jehova keghi huẹn Jesu Kristi kpaegbe, ọ na yae khian ọmwa orhiọn nẹi khian ghi sẹtin wu; ọna keghi ya ima mwẹ ilẹkẹtin wẹẹ, emwi hia ne Jehova wẹẹ irẹn khian ru ne ima vbe odaro gha sẹ
-
Jesu ọre ọmwa okaro ne Osanobua huẹn kpaegbe gha rrie ẹrinmwi; irẹn ẹre ọ vbe re ọmwa okaro ne Osanobua ya khian ọmwa orhiọn nẹi sẹtin wu; erriọ ẹre ọ khian vbe gha ye ne orhunmwu 144,000 ni khian deba e Jesu kha
-
De vbene ima khian ya ru iyobọ ne emwa ni khiẹ emwa iran ni wu?
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
