?Olsem Wanem Trutok i Save Givhan Long Yu?
God, we oltaem i tok tru, i talem se yu gat hop ya blong kasem “laef we i no save finis.”—Jon 3:16.
?YU MAS MEKEM WANEM?
Jusum blong obei long God. —Dutronome 30:19, 20.
Folem ol gudfala advaes blong God long laef blong yu.—Jemes 1:25.
Ol Witnes blong Jehova raon long wol oli haremgud long ol trutok we oli lanem long Baebol. Bambae oli glad blong kam luk yu blong tokbaot ol samting we oli lanem.
Blong save moa long ol trutok blong Baebol, yu luk buklet ya !Enjoem Laef Olwe! we ol Witnes blong Jehova oli wokem, we i stap tu long www.jw.org.
