HAF 2
?God Ya We i Tru, Hem i Hu?
I gat wan God nomo we i tru, mo nem blong hem Jehova. (Eksodas 3:14, futnot) Hem i wan Spirit, taswe yumi no save luk hem. Hem i lavem yumi mo i wantem we yumi lavem hem. Hem i wantem we yumi lavem ol narafala man tu. (Matiu 22:35-40) Hem i Hae we i Hae Olgeta, hem i God ya we i Mekem olgeta samting.
Fastaem olgeta, God i mekem wan enjel we i gat bigfala paoa. Ol man oli save enjel ya long nem ya Jisas Kraes. Jehova i mekem ol narafala enjel tu.
Jehova i mekem olgeta samting long heven. . . mo long wol. Revelesen 4:11
Jehova God i mekem ol sta, mo wol ya, wetem olgeta samting we i stap long hem.—Jenesis 1:1.
Jehova i mekem fas man ya, Adam, long graon.—Jenesis 2:7.
Maet Yu Laekem Hemia Tu
ESSENTIAL BIBLE TEACHINGS
?Wanem Nem Blong God?
God i gat plante taetel. Ol taetel olsem God we i gat olgeta paoa, God we i mekem olgeta samting, mo Masta. Be prapa nem blong God i kamaot bitim 7, 000 taem long Baebol.
