Givhan long ol man blong oli jekem olgeta bakegen. Askem ol kwestin we oli pulum ol man blong jekem wanem i stap long hat blong olgeta.

Pulum ol man blong oli mekem samting wetem gudfala tingting. Pulum olgeta blong oli tingbaot from wanem oli mekem ol gudfala wok. Halpem olgeta blong oli wantem mekem from we oli lavem Jehova, oli lavem ol man, mo oli wantem folem ol tijing blong Baebol. I nogud yu tok strong se oli mas folem, be yu pulum olgeta blong oli luksave from wanem ol advaes blong Baebol i waes. Yu no mekem olgeta oli sem, be long en blong tok, oli mas harem se yu leftemap tingting blong olgeta mo oli wantem mekem bes blong olgeta.

Mekem man i tingbaot Jehova. Makem olsem wanem ol tijing, advaes, mo ol loa blong Baebol, oli soemaot lav blong God mo ol narafala gudfala fasin blong hem. Givhan long ol man blong oli tingbaot filing blong Jehova mo oli wantem mekem hem i glad.