Tu manis afta we ol man Isrel oli krosem Red Si, oli kasem hil ya Sinae. Nao Jehova i mekem promes wetem olgeta blong oli kam ol spesel man blong hem. Hem i lukaot gud long olgeta mo i givim evri samting we oli nidim, olsem mana blong kakae, klos we oli no save kam nogud, mo wan ples blong stap long hem we oli save sef. Sipos yu gat pikinini, yu givhan long hem blong i kasem save from wanem Jehova i givim Loa, haos tapolen, mo ol pris, long ol man Isrel. Yu makem gud se i impoten blong holem promes blong yumi, mo mekem tingting i stap daon, mo obei oltaem long Jehova.