Ol stori we oli kam biaen oli tokbaot Josef, Job, Moses, mo ol man Isrel. Setan i mekem bigfala trabol long olgeta. Hem i pulum ol man blong oli mekem i no stret long olgeta. Oli sakem samfala long kalabus, oli mekem samfala oli kam slef, mo oli kilim samfala i ded. Be Jehova i lukaot gud long olgeta long plante defren rod. Sipos yu gat pikinini, givhan long hem blong i kasem save olsem wanem ol man ya blong Jehova oli holemtaet bilif, taem ol narafala oli mekem olgeta oli harem nogud.

Jehova i mekem se Ten Panis i kasem Ijip, blong soemaot se hem i gat moa paoa i bitim ol god blong Ijip. Tokbaot olsem wanem Jehova i lukaot gud long ol man blong hem bifo mo tede tu.