?Kingdom Blong God Hem i Wanem?
?Yu ting se . . .
-
hem i wan samting insaed long hat blong man?
-
hem i wan ples long heven?
-
hem i wan gavman long heven?
SAMTING WE BAEBOL I TALEM
God blong heven bambae i stanemap wan kingdom we bambae i neva foldaon.” —Daniel 2:44, Niu Wol Translesen.
“God i givim wan boe long yumi mo rul blong gavman bambae i stap long solda blong hem.”—Aesea 9:6, futnot.
?SAVE YA I GIVHAN LONG YU OLSEM WANEM?
-
Gavman ya nomo bambae i naf blong givim ol samting we yu nidim. —Aesea 48:17, 18.
-
Long niufala wol, ol man bambae oli gat gudfala helt mo oli glad.—Revelesen 21:3, 4.
?YUMI SAVE BILIF LONG SAMTING WE BAEBOL I TALEM?
Yes, from ol risen ya:
-
Jisas i soemaot samting we Kingdom blong God bambae i mekem i kamtru. Jisas i tijim ol man blong hem blong oli prea from Kingdom blong God, mo blong God i mekem ol samting we hem i wantem oli kamtru long wol ya. (Matiu 6:9, 10) Jisas i soemaot se ansa blong prea ya bambae i kamtru.
Taem Jisas i stap long wol, hem i givim kakae long plante taosen man, i mekem ol sikman oli kamgud bakegen, mo i mekem ol dedman oli laef bakegen. (Matiu 15:29-38; Jon 11:38-44) Ol samting we Jisas i mekem, oli soemaot samting we bambae hem i mekem long ol man, taem bambae hem i rul long Kingdom blong God.—Revelesen 11:15.
-
Ol samting we oli stap hapen long wol oli soemaot se klosap nao Kingdom blong God bambae i kam. Bifo we Jisas i talem se Kingdom blong God bambae i karem pis i kam long wol, hem i talem se olbaot long wol bambae i gat faet, kakae i sot, mo graon i seksek.—Matiu 24:3, 7.
Tede yumi luk ol samting ya oli stap hapen. Taswe, yumi trastem God se i no longtaem Kingdom blong hem bambae i finisim olgeta trabol ya.
YU TRAEM TINGBAOT
Taem Kingdom blong God i rul, ?laef blong ol man bambae i olsem wanem?
Yu save faenem ansa blong kwestin ya long OL SAM 37:29 mo AESEA 65:21-23.
Maet Yu Laekem Hemia Tu
OL IMPOTEN TIJING
?Wanem Ya Kingdom Blong God?
Taem Jisas i stap prij long wol ya, hem i tokbaot Kingdom blong God moa i bitim ol narafala samting. Blong plante yia, ol man blong hem oli prea blong Kingdom ya i kam.
WAJTAOA
?Kingdom Blong God Bambae i Mekem Wanem?
Jisas i save se i gat wan gavman nomo we i save stretem ol trabol long wol, hemia Kingdom blong God. ?Kingdom i mekem wanem finis?
ANSA WE BAEBOL I GIVIM
Pis Long Wol—?Olsem Wanem Bambae i Kamtru?
Luk olsem wanem Kingdom blong God bambae i mekem promes ya blong gat pis long wol i kamtru.
MIFALA
?From Wanem Yu Mas Stadi Baebol?
Baebol i halpem plante milian man raon long wol blong oli faenem ansa blong ol impoten kwestin long laef. ?Yu yu wantem save ansa blong ol kwestin ya tu?
