LESEN 13
Ol Relijen Oli Giaman Long Saed Blong God
God i gat lav. ?Be from wanem ol relijen, oli stap mekem plante nogud samting? Blong talem stret, toktok mo aksen blong ol relijen ya i giaman mo i no laenap wetem tingting blong God. ?Olsem wanem oli mekem samting ya? ?God i harem olsem wanem? ?Mo bambae hem i mekem wanem?
1. ?Olsem wanem tijing blong ol relijen i giaman?
Ol giaman relijen oli “jusum blong bilif long giaman tok, i bitim we oli bilif long trutok blong God.” (Rom 1:25) Eksampol, plante relijen oli no tijim nem blong God long ol man. Be Baebol i talem se, yumi mas yusum nem blong God. (Rom 10:13, 14) Taem wan samting nogud i hapen, sam lida blong skul oli talem se hemia wil blong God. Be tok ya i giaman. God i no stamba blong ol nogud samting. (Ridim Jemes 1:13.) Sore tumas, ol giaman tijing olsem oli mekem ol man oli gowe long God.
2. ?Olsem wanem aksen blong ol relijen i no stret?
Ol giaman relijen oli tritim nogud ol man, oli no folem fasin blong Jehova. Baebol i talem se “ol sin blong [ol giaman skul] oli hivap gogo kasem heven.” (Revelesen 18:5) Blong plante handred yia, ol relijen oli joen long politik, oli sapotem ol wo, mo oli kosem ded blong plante milian man. Sam lida blong skul, oli wantem kam rij taswe oli askem mane long ol man. Aksen blong olgeta i pruvum se oli no savegud God, taswe oli no gat raet blong mekem wok blong hem.—Ridim 1 Jon 4:8.
3. ?Wanem tingting blong God long ol giaman relijen?
Sipos yu yu kros from ol samting we ol giaman relijen oli mekem, ?yu ting se God i harem olsem wanem? Hem i kros long ol lida blong skul we oli stap giaman mo tritim nogud ol man blong olgeta. Be God i lavem ol man. Hem i promes se bambae hem i spolem ol giaman relijen mo bambae yumi “neva faenem [olgeta] bakegen.” (Revelesen 18:21) I no longtaem bambae God i finisim evri giaman relijen.—Revelesen 18:8.
DIGIM MOA
Kasem moa save long filing we God i gat long ol giaman relijen. Luk ol samting we oli stap mekem, mo lanem from wanem yu mas gohed blong save Jehova.
4. ?God i agri long olgeta relijen?
Plante man oli bilif se olgeta relijen oli olsem ol defdefren rod we i lidim yumi i go long God. ?Be hemia i tru? Ridim Matiu 7:13, 14, mo tokbaot kwestin ya:
-
?Baebol i talem se rod blong kasem laef i olsem wanem?
Plei VIDEO, mo tokbaot kwestin ya.
-
?I tru we Baebol i talem se God i glad long olgeta relijen?
5. Giaman relijen i no soem lav blong God
Ol relijen oli mekem plante samting we i no soemaot fasin blong God. Wan samting we i nogud moa hemia se oli joen long wo. Blong luk wan eksampol, plei VIDEO. Biaen tokbaot ol kwestin ya.
-
?Plante jos oli mekem wanem long taem blong Wol Wo II?
-
?Wanem tingting blong yu long ol samting we oli mekem?
Ridim Jon 13:34, 35 mo 17:16. Biaen tokbaot ol kwestin ya:
-
?Jehova i harem olsem wanem taem ol relijen oli joen long wo?
-
Ol giaman relijen oli responsibol long plante nogud samting. ?Yu yu bin luk sam samting we relijen i mekem we i no soemaot lav?
Giaman relijen i no soemaot lav blong God
6. God i wantem se ol man oli kamaot long ol giaman relijen
Ridim Revelesen 18:4, a mo tokbaot kwestin ya:
-
?Yu yu harem olsem wanem taem God i wantem halpem ol man blong oli kamaot long ol giaman relijen?
7. Gohed blong savegud God
?I stret blong yu letem ol nogud samting we ol relijen oli mekem, i afektem tingting blong yu long saed blong God? Tingbaot wan boe we i no wantem lesin long advaes blong papa blong hem. Nao i aot long haos mo i stap mekem plante nogud samting. Papa ya i no laekem ol fasin blong boe ya. ?I stret blong blemem papa ya from ol nogud fasin blong boe? Nogat.
-
?I stret blong blemem Jehova mo stop blong stadi from ol fasin blong ol giaman relijen?
SAM MAN OLI SE: “Mi mi no wantem wosipim God from we ol relijen oli kosem tumas problem.”
-
?Yu tu yu harem olsem?
-
?From wanem ol aksen blong giaman relijen, i no mas afektem tingting blong yumi long saed blong Jehova?
SAMARI
Ol relijen oli talem se oli wosipim God, be ol tijing blong olgeta i giaman mo fasin blong olgeta i nogud. Bambae God i distroem ol giaman relijen.
Tingtingbak
-
Talem tingting blong yu long saed blong ol tijing mo fasin blong ol giaman relijen
-
?Wanem tingting blong Jehova long saed blong ol giaman relijen?
-
?Bambae God i mekem wanem long ol giaman relijen?
FAENEMAOT
Faenemaot tu nogud samting we plante relijen oli stap mekem.
“?I Tru Se Evri Relijen Oli Semak? ?Evriwan i Lidim Man i Go Long God?” (Web atikol)
?From wanem Jehova i wantem se yumi joen wetem ol narafala blong wosipim hem nomo?
“?I Nidim Blong Man i Kam Memba Blong Wan Relijen?” (Web atikol)
Wan pris i no glad long relijen blong hem. Be hemia i no stopem hem blong lanem trutok long saed blong God.
Blong plante yia, ol relijen oli talem ol giaman tok we i mekem ol man oli no save kam klosap long God mo tingbaot se hem i no kaen. Faenemaot tri long ol giaman tok ya.
“Ol Giaman Tijing We Oli Pulum Man i Gowe Long God” (Wajtaoa, 1 Jenuware 2014)
Maet Yu Laekem Hemia Tu
KWESTIN WE PLANTE MAN OLI STAP ASKEM
Baebol Stadi Kos We Yu Save Mekem Wetem Ol Witnes Blong Jehova
Yu save yusum eni translesen blong Baebol blong mekem wan fri Baebol stadi kos wetem ol Witnes blong Jehova. Singaot ol famle mo ol fren tu blong oli joen wetem yu.
