SINGSING 152
Wan Ples We Bambae i Leftemap Yu
(1 King 8:27; 1 Kronikel 29:14)
1. Jehova, yu yu mekem heven,
Mo heven i no naf long yu.
Taswe wol ya i no naf nating,
Be spirit blong yu i stap ya.
Ol man we oli wokbaot long laet
Oli flasem haos ya blong yu.
Mifala i glad blong wok wanples.
Laef blong mifala i blong yu.
(JOENEM)
Olgeta samting ya,
Yu nomo yu stap givim.
Naoia mifala i givim
I gobak long yu.
(KORES)
Tangkiu tumas from evri samting.
Mifala i singsing bigwan.
Hop ya blong mifala i kamtru
Ples ya bae i leftemap yu.
2. Jehova, yu yu savegud se
Mifala i wantem ples ya
Blong presem yu mo halpem ol man,
Blong wokbaot long ol rod blong yu.
I gat plante wok blong mekem yet,
Long wok we Jisas i givim.
Naoia bae wok ya i gohed moa,
Blong tingting blong yu i kamtru.
(JOENEM)
Mifala i givim
Olgeta beswan samting.
I stret nomo from we oli
Kam long yu nomo.
(KORES)
Tangkiu tumas from evri samting.
Mifala i singsing bigwan.
Hop ya blong mifala i kamtru.
Ples ya bae i leftemap yu.
