?FROM WANEM I IMPOTEN? I no longtaem bambae i gat plante samting blong sapraes we bambae oli traem strong tingting mo tras we yumi gat long Jehova. Bigfala trabol bambae i stat taem ol giaman skul oli lus. (Mt 24:21; Re 17:16, 17) Long taem ya, yumi mas gat strong tingting blong talemaot mesej blong jajmen. (Re 16:21) Bambae Gog blong Magog i atakem yumi. (Esi 38:10-12, 14-16) Be long taem ya, Jehova bambae i statem faet blong “bigfala dei blong God Ya We i Gat Olgeta Paoa,” blong sevem ol man blong hem. (Re 16:14, 16) Blong yumi gat strong tingting long ol taem ya, yumi mas stat blong stanap strong long ol samting we oli traem bilif blong yumi naoia.

?OLSEM WANEM BLONG MEKEM?

• Gat strong tingting blong folem ol stret fasin blong Jehova long laef blong yu.—Aes 5:20

• Gohed blong wosip wanples wetem ol Kristin brata mo sista.—Hib 10:24, 25

• Rere blong obei long ol daereksen we i kam long oganaesesen blong Jehova.—Hib 13:17

• Tingting dip long ol samting we Jehova i mekem blong sevem ol man blong hem bifo.—2Pi 2:9

• Prea long Jehova, mo trastem hem.—Sam 112:7, 8

WAJEM VIDEO YA LONG FIUJA YUMI NIDIM STRONG TINGTING—WAN SMOL HAF BLONG HEM, BIAEN YU ANSA LONG OL KWESTIN YA:

• ?Wanem i traem fasin obei blong sam pablisa we bambae oli joen wetem nara kongregesen?

• ?Olsem wanem fasin obei i givhan long yumi blong gat strong tingting?

• ?From wanem bambae yumi nidim strong tingting long taem blong Amagedon?

• ?Wanem stori blong Baebol we i save mekem yumi bilif strong se Jehova bambae i sevem yumi?—2Kr 20:1-24