Ol Sam 9:1-20
Long daerekta. Blong singsing long taem blong Mut-laben.* Singsing blong Deved.
א [Aleph]
9 O Jehova, bambae mi presem yu long fulhat blong mi.
Bambae mi talemaot olgeta gudgudfala wok blong yu.+
2 Bambae mi glad mo mi harem gud tumas long yu.
Yu yu Hae Olgeta, bambae mi singim ol sing blong presem* nem blong yu.+
ב [Beth]
3 Taem ol enemi blong mi oli tanraon i gobak,+Bambae oli stambol mo oli lus nomo long fored blong yu.
4 From yu yu mekem se oli jajem mi long stret rod.
Yu sidaon long tron* blong yu, yu stap jajem man long stret fasin.+
ג [Gimel]
5 Yu yu tok strong long ol nesen,+ mo yu distroem ol man nogud,Yu stap ravemaot nem blong olgeta gogo i no save finis.
6 Enemi ya oli spolem hem we oli flatemgud hem finis.
Yu yu rutumaot ol taon blong olgeta finis,Mo ol man bambae oli no moa tingbaot olgeta.+
ה [He]
7 Be Jehova i king blong olwe.+
Hem i putumap finis tron* blong hem blong mekem jastis.+
8 Bambae hem i jajem wol ya we ol man oli laef long hem,* long stret fasin.+
Bambae hem i mekem ol desisen we oli stret folem loa, taem i jajem ol nesen.+
ו [Waw]
9 Jehova bambae i kam wan sefples blong haed,* blong olgeta we ol man oli stap spolem olgeta,+Wan sefples blong haed long taem blong trabol.+
10 O Jehova, olgeta we oli save gud nem blong yu, bambae oli trastem yu,+Bambae yu neva lego olgeta we oli stap lukaotem yu.+
ז [Zayin]
11 Yumi singsing presem Jehova we i stap long Saeon,Yumi mekem ol man oli save ol wok blong hem.+
12 From Man we i gat raet blong askembak blad blong olgeta, i stap tingbaot olgeta,+Bambae hem i no fogetem krae blong olgeta we oli stap harem nogud.+
ח [Heth]
13 Yu kaen long mi, O Jehova, yu luk ol trabol ya we ol man we oli no laekem mi oli mekem long mi,Yu nao yu leftemap mi mi kamaot long get blong ded,+
14 Blong mi save stap long get blong dota blong Saeon,+ mi talemaot ol wok blong yu we i stret blong presem yu from,Mo blong harem gud from ol samting we yu mekem blong sevem mi.+
ט [Teth]
15 Ol nesen oli draon insaed long hol we olgeta nomo oli digim,Leg blong olgeta nomo i fas long net we oli bin haedem.+
16 Ol man oli save Jehova from jajmen we hem i stap mekem i kamtru,+Ol rabis man oli foldaon finis long trap we han blong olgeta nomo i mekem.+
Higaion.* (Selah)
י [Yod]
17 Ol man nogud bambae oli tanraon oli ron from Gref,*Yes, hemia olgeta nesen we oli fogetem God.
18 Be God bambae i no fogetem ol puaman oltaem,+Mo ol man we oli gat tingting daon, hop blong olgeta bambae i neva lus.+
כ [Kaph]
19 !O Jehova, yu girap! Yu no letem man we i blong ded nomo, i win.
I gud ol nesen oli kasem jajmen stret long fes blong yu.+
20 O Jehova, yu mekem se fraet i kilim nogud olgeta,+I gud ol nesen oli save se oli man nomo, oli blong ded nomo. (Selah)
Ol futnot
^ NT: “plei miusik blong presem.”
^ NT: “jea blong king.”
^ NT: “jea blong king.”
^ NT: “graon ya we i stap givim ol gudgudfala kakae.”
^ NT: “sefples we i hae we i hae.”
