Ol Sam 7:1-17
-
Jehova i Jaj we i stret olgeta
-
“O Jehova, yu jajem mi” (8)
-
Wan singsing sore,* we Deved i sing long hem i go long Jehova, blong tokbaot Kus we i laen blong Benjamin.
7 O Jehova God blong mi, bifo mi bin kam haed long yu.+
Yu sevem mi blong mi no go long han blong olgeta we oli stap ronem mi blong kilim mi, mo yu tekemaot mi.+
2 Sipos no, bambae oli terem mi* long smosmol pis, olsem we laeon i stap mekem,+Mo oli karem mi i go, we i no gat wan man blong sevem mi.
3 O Jehova God blong mi, sipos samting ya i fol blong mi,Sipos mi nao mi bin mekem samting we i no stret,
4 Sipos mi bin mekem i no stret long man we i mekem i gud long mi,+No sipos mi bin go tekemaot olting blong enemi blong mi, be blong nating nomo,*
5 Ale i gud wan enemi i ronem mi gogo i holemtaet mi.*I gud hem i stanstanap long laef blong mi i godaon long graonMo i mekem glori blong mi i lus long das. (Selah)
6 O Jehova, i gud yu kros nao yu girap,Yu stanap agensem ol enemi blong mi we oli kros tumas,+Yu wekap long bihaf blong mi, mo yu askem strong blong i gat jastis.+
7 I gud ol nesen oli kam hivap raon long yu,Mo bambae yu stap long ples ya antap, yu tekem aksen agensem olgeta.
8 Jehova bambae i talemaot jajmen we ol man bambae oli kasem.+
O Jehova, yu jajem mi folem ol stret fasin blong miMo folem fasin blong mi blong holemstrong.+
9 Plis yu stopem ol rabis fasin blong ol man nogud.
Be yu stanemap stret man,+From yu yu God blong stret fasin,+ mo yu nao yu stap jekem hat+ mo ol dip filing blong man.*+
10 God i sil blong mi,+ hem i Sevia blong olgeta we hat blong olgeta i stret.+
11 God i wan stret Jaj,+Mo God i stap talemaot ol jajmen blong hem* evri dei.
12 Sipos wan man i no tanem tingting blong hem,+ God i sapenem naef blong faet blong hem,+Hem i fasem bonara blong hem mo i mekem i rere.+
13 Hem i mekemrere ol tul blong faet blong hem we i save kilim man i ded,Mo i mekemrere ol ara blong hem we i gat faea long hem.+
14 Yu lukluk gud man ya we bel blong hem i fulap long ol rabis fasin, olsem we hem i gat bel,Bel blong hem i fulap long trabol, olsem se hem i gat bel, mo i bonem ol giaman toktok nomo.+
15 Hem i digim wan bigfala hol, mo i digim i godaon olgeta,Be hem i foldaon long sem hol ya we hem i bin digim.+
16 Trabol we hem i mekem, bambae i kasembak hed blong hem,+Mo fasin blong hem blong faet, bambae i olsem wan ston we i foldaon long top blong hed blong hem.
17 Bambae mi mi presem Jehova from jastis blong hem.+
Bambae mi singim ol sing blong presem* nem blong Jehova,+ God ya we i Hae Olgeta.+
Ol futnot
^ NT: “sol blong mi.”
^ MNT: “Be mi letem man we i agensem mi blong nating nomo, i laef i stap.”
^ NT: “sol blong mi.”
^ NT: “yu stap traem ol hat mo ol kidni.”
^ NT: “i tok strong blong talemaot ol panis.”
^ NT: “mi plei miusik blong presem.”
