Ol Sam 68:1-35
Long daerekta. Singsing blong Deved. Wan miusik.
68 I gud God i stanap, i gud ol enemi blong hem oli go wanwan,Mo i gud olgeta we oli agensem hem, oli ron taem oli luk hem.+
2 I gud yu ronemaot olgeta, olsem smok we win i blu long hem i go.
I gud ol man nogud oli lus stret long fes blong God,+Olsem waks i melt long faea.
3 Be i gud ol stret man oli glad,+I gud oli glad bitim mak taem oli stap long fes blong God,I gud oli hapi oli stap singsingaot from.
4 Yumi sing long God, yumi singim ol sing blong presem* nem blong hem.+
Yumi sing long Man ya we i stap raed krosem draeples.*!Nem blong hem Jah!*+ !I gud we long fes blong hem yumi glad!
5 God i stap long tabu haos blong hem,+Hem i papa blong ol pikinini we oli no gat papa, mo i man blong protektem* ol wido.+
6 God i stap givim wan hom long olgeta we oli stap olgeta nomo, blong oli stap long hem.+
Hem i stap lidim ol prisena oli goaot, oli stap gud.+
Be ol stronghed,* oli mas laef long ples we i drae olgeta.+
7 O God, bifo, taem yu lidim* ol man blong yu,+Mo taem yu wokbaot krosem draeples, (Selah)
8 Graon i seksek,+Heven i kafsaedem ren i kamdaon,* from God i stap,Hil ya Sinae i seksek from God, yes God blong Isrel.+
9 O God, yu yu mekem se i ren bigwan,Mo yu givim paoa bakegen long ol man blong yu* we oli taed tumas.
10 Oli stap long komuniti blong ol tent blong yu.+
O God, from gudfala fasin blong yu, yu stap givim samting long ol puaman.
11 Jehova i givim oda,Ol woman we oli stap talemaot gud nius, oli wan bigfala ami.+
12 !Ol king blong ol ami oli ronwe,+ yes oli ronwe!Woman we i stap nomo long haos i kasem sam samting we oli winim long faet.+
13 Nating se yufala ol man, yufala i stap ledaon raon long ol kamp faea,*Be bambae i gat ol wing blong sotleg we oli flasem long silva,Mo ol feta we oli flasem long gudfala gol.*
14 Taem God Ya We i Gat Olgeta Paoa, i ronem ol king blong ples ya oli go wanwan,+Sno i folfoldaon long Jalmon.*
15 Bigfala hil ya Basan,+ hem i bigfala hil blong God.*Bigfala hil ya Basan, i wan bigfala hil we i gat plante smosmol hil.
16 Yu bigfala hil we yu gat plante smosmol hil, ?from wanem yu stap lukluk rabisLong bigfala hil we God i bin jusumaot* blong i stap long hem?+Yes, Jehova bambae i stap long ples ya olwe.+
17 God i gat plante taosen wo jariot, yes hem i gat plante plante taosen.+
Jehova i aot long Sinae i kam, i go insaed finis long holi ples.+
18 Yu yu go antap long ples we i hae olgeta,+Yu tekem ol man we yu winim olgeta long faet oli go kalabus,Yu tekem ol man we oli olsem presen, oli kam+Yes, yu tekem ol stronghed tu,+ blong oli stap wetem olgeta, O Jah God.
19 I gud yumi presem Jehova we evri dei i stap karem ol hevi samting blong yumi,+Hem i tru God we i sevia blong yumi. (Selah)
20 Long yumi, tru God, hem i wan God blong sevem man.+
Mo Jehova we i Hae Masta, i mekem rod blong man i ronwe long ded.+
21 Yes, God bambae i smasem hed blong ol enemi blong hem,Hemia top blong hed blong olgeta we oli gohed blong* folem ol fasin nogud blong olgeta.+
22 Jehova i talem finis se: “Bambae mi tekem olgeta long Basan oli kambak.+
Bambae mi tekemaot olgeta long dip si oli kambak,
23 Olsem nao bambae leg blong yu i fulap long blad+Mo tang blong ol dog blong yu, oli save kasem sam samting tu long ol enemi.”
24 O God, oli luk we yu stap maj i go,Hemia taem God blong mi we i King blong mi, i stap maj i go insaed long holi ples.+
25 Ol man blong singsing oli wokbaot fored, ol man we oli stap plei long ol instramen we i gat string, oli biaen long olgeta,+Mo bitwin olgeta, ol yang woman oli stap kilkilim ol tamborin.+
26 Long ol bigfala hip blong ol man we oli kam wanples,* yumi presem God.
Yufala we i kamaot long man we i Stamba blong Isrel,+ yufala i presem Jehova.
27 I gat Benjamin,+ we i yangfala moa, i stap mekem olgeta oli stap aninit long hem,Mo i gat ol prins blong Juda tu wetem hip blong ol man we oli stap mekem noes,Mo i gat ol prins blong Sebulun mo ol prins blong Naftali.
28 God blong yu i givim oda finis se bambae yu yu strong.
O God, yu nao yu bin mekem ol samting long bihaf blong mifala, plis yu soemaot paoa blong yu.+
29 Ol king bambae oli karem ol presen i kam long yu+From tempol blong yu long Jerusalem.+
30 Yu tok strong long ol wael animol we oli stap long ol waelken,Mo hip blong ol bul+ wetem ol pikinini blong olgeta,Gogo kasem we ol man oli kam bodaon, oli givim ol silva mane.*Be hem i ronemaot olgeta we oli laekem faet.
31 Bambae ol man oli karem ol samting we oli wokem long bras, long Ijip i kam.*+
Kus bambae i kwik blong givim ol presen long God.
32 Ol kingdom blong wol, yufala i sing long God,+Yufala i singim ol sing blong presem* Jehova, (Selah)
33 Yes blong presem man ya we i stap raed antap long heven ya we i stap bifo olgeta.+
!Yufala i luk! Hem i singaot bigwan we voes blong hem i olsem tanda, hemia strongfala voes blong hem.
34 Yufala i talemaot paoa blong God.+
Haenem blong hem i kasem olgeta ples long Isrel,Mo paoa blong hem i stap long skae.*
35 Taem God i kamaot long tabu rum blong hem* ol man oli sapraes mo oli fraet.+
Hem i God blong Isrel,We i stap givim paoa mo i mekem man i strong.+
Yumi presem God.
Ol futnot
^ NT: “plei miusik blong presem.”
^ MNT: “raed long ol klaod.”
^ “Jah” hem i sot nem blong Jehova.
^ PT: “i jaj blong.”
^ NT: “ol man we oli rebel.”
^ PT: “yu wokbaot fastaem long.”
^ PT: “folfoldaon.”
^ PT: “olting blong yu.”
^ MNT: “long ol yad blong sipsip.”
^ NT: “long gol we kala blong hem i yelo mo i miks wetem grin.”
^ NT: “I olsem se sno i folfoldaon long Jalmon.”
^ NT: “i hae we i hae.”
^ NT: “wantem tumas.”
^ NT: “wokbaot olbaot.”
^ PT: “Long ol asembli.”
^ MNT: “purumbut long silva mane.”
^ MNT: “Ol ambasada bambae oli aot long Ijip i kam.”
^ NT: “plei miusik blong presem.”
^ PT: “ol klaod.”
^ NT: “yu.”
