Ol Sam 53:1-6
Long daerekta. Long stael blong Mahalat.* Maskil.* Singsing blong Deved.
53 Man we i krangke,* i stap tingting se:“I no gat Jehova.”+Ol aksen blong olgeta we i no stret, i rabis olgeta mo i nogud we i nogud.
I no gat wan i stap mekem i stret.+
2 Be God i stap long heven, i stap lukluk i kamdaon long ol pikinini blong man,+Blong luk sipos i gat eni man we i gat hed, mo sipos i gat eni man we i stap lukaotem Jehova.+
3 Olgeta evriwan oli tanemraon oli gowe finis,Olgeta evriwan oli sem mak nomo, oli rabis olgeta.
I no gat wan man i stap mekem samting we i gud,I no gat wan nating.+
4 ?I no gat wan long ol man nogud ya i kasemsave?Oli spolem ol man blong mi, olsem we oli stap kakae bred nomo.
Oli no singaot i go long Jehova.+
5 Be bambae fraet i kilim nogud olgeta,Neva oli fraet olsem bifo,*From God bambae i sakem ol bun blong ol man we oli stap atakem yu,* i go olbaot.
Bambae yu mekem olgeta oli sem, from Jehova i lego olgeta finis.
6 !I gud man we bambae i sevem Isrel, i aot long Saeon i kam!+Taem Jehova i tekembak ol man blong hem we oli stap kalabus,I gud Jekob i glad, mo i gud Isrel i harem gud.
Ol futnot
^ NT: “Man we i no gat hed.”
^ MNT: “Oli fraet nating se i no gat samting blong fraet long hem.”
^ PT: “oli stap putum kamp blong olgeta blong agensem yu.”
