Ol Sam 26:1-12
Singsing blong Deved.
26 Yu jajem mi, O Jehova, from we oltaem mi wokbaot folem ol fasin we i stret,+Mi mi trastem Jehova we mi no gat tu tingting.+
2 O Jehova, yu jekemgud laef blong mi, mo yu traem mi,Yu klinim hat blong mi mo ol tingting blong mi we oli haed.*+
3 From fasin blong yu blong lavem man oltaem, i stap fored long mi oltaem,Mo mi wokbaot folem trutok blong yu.+
4 Mi mi no stap joen* wetem ol man blong giaman,+Mo mi stap longwe long olgeta we oli stap haedem prapa fasin blong olgeta.*
5 Mi mi no laekem nating kampani blong ol rabis man,+Mo mi no wantem joen* wetem ol man nogud.+
6 O Jehova, bambae mi wasem han blong mi blong soemaot se mi no gat fol,Mo bambae mi maj raon long olta blong yu,
7 Blong mekem ol man oli harem voes blong mi taem mi stap talem tangkiu long yu+Mo blong talemaot olgeta gudfala wok blong yu.
8 Jehova, mi mi laekem haos we yu yu stap long hem,+Hemia ples we glori blong yu i stap.+
9 Yu no brumaot mi* wetem ol man blong mekem sin+Mo yu no tekemaot laef blong mi taem yu kilim ol man blong faet,*
10 Olgeta ya, han blong olgeta i stap mekem ol samting blong sem,Mo raethan blong olgeta i fulap long fasin blong mekem ol dotidil.
11 Be mi, bambae mi folem ol fasin we i stret oltaem.
Yu sevem* mi, mo yu kaen long mi.
12 Leg blong mi i stanap long graon we i levelgud,+Bambae mi presem Jehova long bigfala kongregesen.*+
Ol futnot
^ NT: “ol dip filing blong mi.” PT: “kidni blong mi.”
^ PT: “sidaon.”
^ NT: “Mi mi no stap miks wetem ol man we oli gat tu fes.”
^ PT: “sidaon.”
^ NT: “sol blong mi.”
^ NT: “ol man ya we oli stap mekem blad i ron.”
^ PT: “pembak.”
^ PT: “long ol asembli.”
