Ol Sam 105:1-45
-
Ol gudfala samting we Jehova i mekem long ol man blong hem
105 Yufala i talem tangkiu long Jehova,+ yufala i singaot long nem blong hem,Yufala i mekem ol man oli save ol wok blong hem.+
2 Yufala i sing long hem, yufala i singsing blong presem hem,*Yufala i tingting gud long* ol gudgudfala wok blong hem.+
3 Yufala i tok flas from tabu nem blong hem.+
Mo ol man we oli stap lukaotem Jehova, i gud hat blong olgeta i glad.+
4 Yufala i mas lukaot Jehova+ mo paoa blong hem.
Yufala i mas lukaot fes blong hem* oltaem.
5 Yufala i mas tingbaot ol gudgudfala samting we hem i bin mekem,Ol merikel blong hem mo ol jajmen we hem i talemaot,+
6 Yufala ya, yufala i pikinini* blong Ebraham, man blong wok blong hem,+Yufala i pikinini blong Jekob, ol man we hem i jusumaot.+
7 Hem i Jehova, God blong yumi.+
Ol jajmen blong hem oli kasem olgeta ples long wol.+
8 Hem i tingbaot kontrak blong hem olwe,+Hemia promes we hem i bin mekem,* long wan taosen jeneresen,+
9 Hemia kontrak we hem i mekem wetem Ebraham,+Mo strong promes we hem i talem long Aesak,+
10 Mo hem i mekem i kam olsem wan oda blong JekobMo olsem wan kontrak we i blong Isrel, mo bambae i stap olwe,
11 We i se: “Bambae mi givim kantri ya Kenan long yu+Olsem pis graon we oli makemaot se i blong yufala.”+
12 Long taem ya, namba blong olgeta i smol nomo,+Yes, oli no plante, mo oli man blong narafala kantri long ples ya.+
13 Oli stap wokbaot olbaot, oli aot long wan nesen i go long narafala nesen,Oli aot long wan kingdom i go long ol man blong narafala ples.+
14 Hem i no letem wan man nating i spolem olgeta,+Be hem i stretem ol king from olgeta,+
15 Hem i se: “Yufala i no mas tajem ol man blong mi we mi makemaot olgeta,Mo yufala i no mas mekem wan nogud samting long ol profet blong mi.”+
16 Hem i sanem hadtaem blong kasem kakae i kam long kantri ya,+Hem i stopem evri ples we oli stap kasem bred long hem.*
17 Hem i sanem wan man i go fastaem long olgeta,Hemia Josef we oli bin salemaot hem i kam wan slef.+
18 Oli fasemtaet leg blong hem long ol jen,*+Mo oli putum nek blong hem long ol aean.*
19 Gogo kasem taem we tok blong hem i kamtru,+Tok blong Jehova nao i mekem hem i kam gud moa, olsem gol we man i bonem, i kam klin gud.
20 King i sanem tok blong oli letem hem i gofri,+Yes rula blong ol man i letem hem i gofri.
21 Hem i putumap hem i bos blong olgeta long haos blong hem,Yes hem i rul antap long olgeta samting blong hem,+
22 Blong hem i gat paoa antap long* ol prins blong king olsem we hem* i wantemMo blong tijim ol elda blong king, blong oli kam waes.+
23 Biaen Isrel i go stap long Ijip,+Mo Jekob i stap olsem wan man blong narafala kantri nomo long graon blong Ham.
24 God i mekem ol man blong hem oli kam plante,+Hem i mekem olgeta oli strong moa i winim ol enemi blong olgeta.+
25 Hemia ol enemi we hem i jenisim tingting blong olgeta, blong oli agensem ol man blong hem,Blong oli mekem ol rabis plan agensem ol man blong wok blong hem.+
26 Hem i sanem man blong wok blong hem Moses,+Mo Eron,+ we hem i bin jusumaot hem.
27 Tufala i mekem ol bigbigfala wok long medel blong olgeta,Yes, ol merikel blong hem long graon blong Ham.+
28 Hem i sanem tudak i go, mo ples ya i kam tudak.+
Oli* no go agensem ol tok blong hem.
29 Hem i jenisim ol wota blong olgeta i kam bladMo i kilim ol fis blong olgeta.+
30 Ples blong olgeta i kam fulap long ol frog,+Mo i fulap long ol rum blong king tu.
31 Hem i givim oda blong ol bigfala flae* oli kam spolem ples,Mo blong ol moskito* oli kam fulap gud long teritori blong olgeta.+
32 Hem i jenisim ren i kam ston blong aesMo i sanem laetning,* i kam long ples blong olgeta.+
33 Hem i spolemgud ol rop blong grep mo ol figtri blong olgetaMo i smasem gud ol tri long teritori blong olgeta.
34 Hem i talem se ol lokis oli mas spolem olgeta,Ol yang lokis ya, man i no save kaontem.+
35 Oli kakae olgeta plant long kantri ya,Mo oli kakae evri samting we i gru long graon.
36 Biaen, hem i kilim i ded evri fasbon long kantri ya,+Hemia ol fas pikinini we oli gat, taem oli kam man.
37 Hem i tekemaot ol man blong hem oli go, we oli karem silva mo gol wetem olgeta.+
Mo i no gat wan long ol traeb blong hem i stambol.
38 Ol man Ijip oli glad taem ol man Isrel oli aot,From oli fraet tumas long ol man Isrel.*+
39 Hem i mekem klaod i blokem gud olgeta+Mo faea blong givim laet long olgeta long naet.+
40 Oli askem kakae, nao hem i karem pijin ya kwel i kam,+Hem i gohed blong mekem olgeta oli harem gud long bred we i kam long heven.+
41 Hem i mekem wan bigfala ston i open, mo wota i ronaot long hem,+I ron i gotru long draeples olsem wan reva.+
42 From hem i tingbaot tabu promes we hem i mekem wetem Ebraham, man blong wok blong hem.+
43 Nao hem i tekemaot ol man blong hem, we oli glad tumas,+Yes, ol man we hem i jusumaot, oli krae from oli glad tumas.
44 Hem i givim graon blong ol narafala nesen long olgeta.+
Mo oli tekem ol samting we ol narafala man oli bin hadwok from, i blong olgeta,+
45 Olsem nao oli save holemtaet ol rul blong hem+Mo oli folem ol loa blong hem.
!Presem Jah!*
Ol futnot
^ MNT: “i talemaot.”
^ NT: “plei miusik blong presem hem.”
^ NT: “mas stap long fes blong hem; mas mekem se hem i glad long yufala.”
^ NT: “yufala we i kamaot biaen long.” PT: “sid.”
^ PT: “Hemia tok we hem i talem.”
^ PT: “i brekem ol stik blong bred.” Maet hemia ol stik we oli yusum blong storem ol bred.
^ PT: “Oli yusum jen blong mekem leg blong hem i soa.”
^ NT: “putum sol blong hem insaed long aean.”
^ PT: “Blong fasemtaet.”
^ NT: “sol blong hem.”
^ Maet hemia Moses mo Eron.
^ Hemia wan kaen flae we i save kakae man.
^ Hemia wan smol bebet long Ijip we i olsem moskito.
^ NT: “faea we i laet.”
^ PT: “long olgeta.”
^ NT: “!Halelujah!” “Jah” hem i sot nem blong Jehova.
