Gospel blong Matiu 1:1-25
1 Buk ya i tokbaot histri* blong Jisas Kraes,* we i boe blong Deved,+ mo Deved ya i boe blong Ebraham:+
2 Ebraham i kam papa blong Aesak,+Aesak i kam papa blong Jekob,+Jekob i kam papa blong Juda+ mo ol brata blong hem.
3 Juda i kam papa blong Peres mo Jeraha,+ mo Tamara i mama blong tufala.
Peres i kam papa blong Hesron,+Hesron i kam papa blong Ram.+
4 Ram i kam papa blong Aminadab,Aminadab i kam papa blong Nason,+Nason i kam papa blong Salmon.
5 Salmon i kam papa blong Boas, mo Rehab i mama blong hem.+
Boas i kam papa blong Obed, mo Rut i mama blong hem.+
Obed i kam papa blong Jese.+
6 Jese i kam papa blong King Deved.+
Deved i kam papa blong Solomon,+ mo mama blong Solomon i waef blong Uria fastaem.
7 Solomon i kam papa blong Rehoboam,+Rehoboam i kam papa blong Abaejah,Abaejah i kam papa blong Asa.+
8 Asa i kam papa blong Jehosafat,+Jehosafat i kam papa blong Jehoram,+Jehoram i kam papa blong Usia.
9 Usia i kam papa blong Jotam,+Jotam i kam papa blong Ahas,+Ahas i kam papa blong Hesekia.+
10 Hesekia i kam papa blong Manase,+Manase i kam papa blong Amon,+Amon i kam papa blong Josaea.+
11 Josaea+ i kam papa blong Jekonia+ mo ol brata blong hem, klosap long taem ya we ol man Isrel oli go kalabus long kantri ya Babilon.+
12 Taem ol man Isrel oli stap kalabus long Babilon, Jekonia i kam papa blong Sealtiel,mo Sealtiel i kam papa blong Serubabel.+
13 Serubabel i kam papa blong Abiud,Abiud i kam papa blong Eliakim,Eliakim i kam papa blong Aso.
14 Aso i kam papa blong Jadok,Jadok i kam papa blong Aki,Aki i kam papa blong Eliud.
15 Eliud i kam papa blong Eleasara,Eleasara i kam papa blong Matan,Matan i kam papa blong Jekob.
16 Jekob i kam papa blong Josef ya we i hasban blong Meri. Meri ya i mama blong Jisas,+ we oli singaot hem se Kraes.+
17 Nao long laen we i stat long Ebraham i kam kasem Deved, i gat 14 papa. Mo long laen we i stat long Deved i kam kasem taem ya we ol man Isrel oli go kalabus long Babilon, i gat 14 papa. Mo stat long taem we oli go kalabus long Babilon i kam kasem Kraes, i gat 14 papa bakegen.
18 Hemia olsem wanem Jisas Kraes i bon. Mama blong hem, Meri, oli mekem promes finis se bambae hem i mared long Josef. Be taem tufala i no stap wanples yet, tabu spirit*+ i mekem we Meri i gat bel.
19 Be from we hasban blong hem Josef, i wan stret man, hem i no wantem mekem Meri i sem long fes blong ol man, ale hem i gat tingting blong divosem hem long fasin haed.+
20 Be afta we hem i tingting gud long ol samting ya, hem i slip, !mo luk! enjel blong Jehova* i kamtru long hem long wan drim, mo i talem long hem se: “Josef, boe blong Deved, yu no mas fraet blong tekem waef blong yu Meri i kam long haos, from we tabu spirit nao i mekem se hem i gat bel.+
21 Bambae hem i bonem wan boe, mo yu mas putum nem blong hem se Jisas,*+ from we hem bambae i sevem ol man blong hem, i tekemaot olgeta long sin.”+
22 Ol samting ya oli kamaot blong mekem tok we Jehova* i givim long profet blong hem bifo, i kamtru, we i talem se:
23 “!Yu luk! Wan gel we i no save man yet, bambae i gat bel mo bambae i bonem wan boe, mo bambae oli putum nem blong hem se Emanuel,”+ we i min se “God i Stap Wetem Yumi.”+
24 Taem Josef i wekap, hem i mekem olsem we enjel blong Jehova* i talem. Hem i mared long Meri,*
25 be hem i no mekem seks wetem hem gogo Meri i bonem wan boe,+ nao Josef i putum nem blong hem se Jisas.+
Ol futnot
^ NT: “laen.”
^ NT: “Mesaea; Man We God i Makemaot Hem.”
^ NT: “paoa blong God.”
^ Hemia faswan long 237 taem we nem blong God, Jehova, i kamaot long Kristin Grik Haf Blong Baebol. Yu luk Ap. A5.
^ Long Hibru, nem ya hem i Jesua, o Josua, we i minim “Jehova i Sevem Man.”
^ PT: “hem i tekem waef blong hem i kam long haos.”
