Amos 9:1-15
9 Mi luk Jehova+ i stap antap long olta, mo hem i talem se: “Yu kilim top blong pos ya, mo ol stamba blong hem bambae oli seksek. Yu katemaot hed blong olgeta, mo bambae mi kilim laswan long olgeta long naef blong faet. Man we i ronwe bambae i no save go, mo man we i stap traem blong ronwe, bambae i no save win.+
2 Sipos oli digim hol i godaon long Gref,*Bambae han blong mi i tekemaot olgeta long ples ya,Mo sipos oli go antap long heven,Bambae mi tekemaot olgeta long ples ya i kamdaon.
3 Mo sipos oli go haed long top blong hil ya Kamel,Bambae mi lukaotem olgeta long ples ya mo mi tekemaot olgeta.+
Sipos oli ronwe long fes blong mi, oli go haed long botom blong solwota,Bambae mi givim oda blong snek i kakae olgeta long ples ya.
4 Sipos ol enemi oli tekem olgeta oli go kalabus,Bambae mi givim oda long naef blong faet, nao bambae hem i kilim olgeta long ples ya,+Bambae ae blong mi i stap nomo long olgeta, blong mekem i nogud long olgeta, be i no blong mekem i gud long olgeta.+
5 From Hae Masta Jehova komanda blong ol ami, Hem nao i tajem kantri,*Nao i melt,+ mo olgeta man long hem bambae oli krae,+Mo long evri ples, bambae graon i kam antap olsem Nael Reva,Mo i draon i godaon olsem Nael Reva blong Ijip.+
6 ‘Man we i wokem ol step blong hem long hevenMo i wokem haos* blong hem antap long wol,Man we i stap singaotem ol wota blong solwota,Blong i kafsaedem olgeta antap long wol+Nem blong hem Jehova.’+
7 Jehova i talem se: ‘Ol man Isrel. Long mi, yufala i olsem ol man long laen blong Kus.
Mi mi tekemaot Isrel long kantri ya Ijip,+Mo mi tekemaot ol man Filistia long Krit,+ mo mi tekemaot Siria long Kiri.’+
8 ‘!Yu luk! Ae blong Hae Masta Jehova i stap luk kingdom ya we i fulap long sin,Mo bambae hem i flatemgud kingdom ya blong i no moa stap long wol.+
Be bambae mi no flatem fulwan olgeta long haos blong Jekob,’+ hemia nao tok blong Jehova.
9 ‘!Yu luk! Naoia mi givim oda,Nao bambae mi seksekem olgeta long haos blong Isrel we oli stap long olgeta nesen,+Olsem we man i stap seksekem wan netwaea,Be i no gat wan ston nating i foldaon long graon.
10 Bambae oli ded long naef blong faet, yes olgeta man blong mi we oli stap mekem sin,Mo oli stap talem se: “Trabol bambae i no kam klosap long yumi mo bambae i no kasem yumi.”’
11 ‘Long dei ya bambae mi stanemap bakegen wansaed haos* blong Deved+ we i bin foldaon,Bambae mi riperem ol hol long stonwol,*Mo bambae mi stanemap bakegen ol ples we i brobrok,Bambae mi wokem gud bakegen blong i kam olsem long ol dei ya bifo,+
12 Nao oli save tekem ol samting we i stap yet long Edom,+Mo long olgeta nesen we ol man blong hem oli stap singaot long nem blong mi,’ hemia nao tok blong Jehova, we i mekem samting ya.
13 Jehova i talem se: ‘!Yu luk! I gat ol dei i stap kam,We bambae man blong havest i stap havest yet, be man blong plao i kam,Mo man blong karem ol sid i stap yet, be man blong stanstanap long ol grep i kam,+Mo swit waen bambae i ronaot long ol bigfala hil,+Mo evri hil bambae oli fulap gud long hem.*+
14 Bambae mi tekembak ol man blong mi, ol man Isrel we oli stap kalabus,+Mo bambae oli wokem bakegen taon ya we i emti i stap mo oli stap long olgeta,+Bambae oli planem ol plantesen blong grep mo oli dring ol waen blong hem,+Mo oli mekem ol garen mo oli kakae ol frut long ol garen ya.’+
15 ‘Bambae mi planem olgeta long graon blong olgeta,Mo bambae man i neva rutumaot olgeta bakegenLong graon blong olgeta we mi bin givim long olgeta,’+ hemia nao tok blong Jehova God blong yu.”
Ol futnot
^ NT: “wol.”
^ NT: “wokem raon ruf; ruf.”
^ NT: “tent; gras haos.”
^ NT: “stonwol blong olgeta.”
^ PT: “oli melt.”
