Yu Yu Welkam Blong Kam
Memoriol Blong Ded Blong Jisas
Sarede 12 Eprel 2025
Mifala i invaetem yu blong kam long tufala miting ya we i fri
SPESEL TOK BLONG BAEBOL
“?Yumi Naf Blong Faenem Trutok?”
Faenemaot samting we Jisas i talem long saed blong trutok mo olsem wanem blong faenem.
Memoriol Blong Ded Blong Jisas
Ol Witnes blong Jehova oli mekem impoten miting ya blong tingbaot ded blong Jisas olsem we hem i talem.—Luk 22:19.
Kwestin We Plante Man Oli Stap Askem
?Hu i save kam?
Evriwan i welkam blong kam. Yu save kam wetem famle blong yu.
?Ol miting ya oli longfala olsem wanem?
Spesel tok blong Baebol bambae i samwe 30 minit. Biaen bambae i gat wan haf blong wan aoa we evriwan i save joen long hem blong tokbaot wan topik we i stanap long Baebol.
Miting blong Memoriol bambae i samwe long wan aoa.
?Bambae oli mekem ol miting ya wea?
Blong faenem ples, klik long baten ya “Faenem Memoriol” o “Faenem Spesel Tok Blong Baebol.”
Sipos mi kam, ?hemia i min se bambae mi mas gohed blong kam long ol miting o kam wan Witnes blong Jehova?
Nogat.
?Bambae i gat kleksin o mi mas pem blong go insaed?
Nogat. Ol Witnes blong Jehova oli neva askem kleksin long ol miting blong olgeta.—Matiu 10:8.
?Mi mas werem wanem kaen klos?
I no gat rul long saed ya, be ol Witnes blong Jehova oli traehad blong werem ol klos we oli stret mo we i soemaot se oli gat respek.
?Bambae oli mekem wanem long taem blong Memoriol?
Long stat mo en blong miting ya, bambae yumi joen long wan singsing mo wan minista blong ol Witnes blong Jehova i mekem prea. Bambae i gat wan tok we i eksplenem from wanem ded blong Jisas i impoten, mo olsem wanem samting we God mo Kraes i mekem i save givhan long yumi.
Blong save moa, ridim atikol ya “?From Wanem Ol Witnes Blong Jehova Oli Mekem Lodsapa i Defren Long Ol Narafala Jos?”
?Wetaem bambae oli mekem Memoriol bakegen?
2025: Sarede 12 Eprel
2026: Tasde 2 Eprel
2027: Mande 22 Maj
Blong save moa, wajem ol video ya.
Faenemaot olsem wanem oli mekem Memoriol, mo luk nambawan fiuja we i save kamtru from ded blong Jisas.
Maet yu harem finis se Jisas i ded from ol sin blong yumi. ?Be olsem wanem ded blong wan man nomo i save givhan long plante milian man?
?Wanem i Stap Hapen Insaed Long Haos Kingdom?
Wajem video ya blong faenemaot.