Amasuko ku Mepusho ya mu Baibolo
Finshi Yesu akacita ku ntanshi?
Mu 33 C.E., Yesu alifwile kabili alibuukile no kuya ku muulu. Ilyo papitile imyaka iingi, balimupeele amaka ya kuba Kateka. (Daniele 7:13, 14) Ku ntanshi, Yesu akabomfya amaka bamupeela aya Bufumu ku kuleta umutende no kupwisha ukucula.—Belengeni Amalumbo 72:7, 8, 13.
Ilyo Yesu akalateka, akafumyapo ububifi bonse pano calo
Yesu akacita ifintu ifingi ifisuma nga atendeka ukuteka. Akabomfya amaka Wishi amupeela ku kwafwa abantu ukuba abapwililika na kabili. Abantu bakalaikala bwino pano calo kabili tabakalekota no kufwa.—Belengeni Yohane 5:26-29; 1 Abena Korinti 15:25, 26.
Finshi Yesu acita pali nomba?
Yesu alatungulula umulimo wa kushimikila uo abasambi bakwe aba cine babomba. Abasambi bakwe balashimikila abantu ifyo Baibolo ilanda pa Bufumu bwa kwa Lesa. Yesu atile akatwalilila ukwafwa abasambi ukubomba umulimo wa kushimikila mpaka Ubufumu bwa kwa Lesa bukonaule amabufumu ya pano calo.—Belengeni Mateo 24:14; 28:19, 20.
Yesu abomfya icilonganino ca Bena Kristu ba cine ku kwafwa abantu ukuba ne mibele isuma. Akatwalilila ukubafwa mpaka cino calo cikonaulwe na Lesa akalete icalo cipya ico atulaya.—Belengeni 2 Petro 3:7, 13; Ukusokolola 7:17.
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Finshi Ningalomba Mwi Pepo?
Belengeni umulandu Lesa ashingakanina ukubika amano kufilemisakamika
AMASUKO KU MEPUSHO YA MU BAIBOLO
Bushe Yesu Apususha Shani?
Mulandu nshi tukabila ukuti Yesu aletupapaatilako? Bushe tulingile fye ukusumina muli Yesu epela pa kuti tukapusuke?
