Icipande Ca Baice

Umulumendo Uwashipa

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti e ko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baaleumfwa.

TONTONKANYA PA FYACITIKE.—BELENGA 1 SAMWELE 17:1-11, 26, 32-51.

Londolola ifyo ule-elenganya ukuti e fyo Galyati alemoneka, ne fyo ishiwi lyakwe lyali.

․․․․․

Cinshi calengele ukuti Davidi alwishe Galyati nangu ca kuti Davidi ena tali mushilika wa bena Israele? (Belenga icikomo 26.)

․․․․․

Cinshi calengele Davidi acetekele ukuti Yehova ali no kumwafwa? (Belenga na kabili ifikomo 34-37.)

․․․․․

TONTONKANYAPO SANA.

Asuka na ya mepusho

(1) Bushe Galyati alepele amamita yanga? (1 Samwele 17:4) ․․․․․.

(2) Ica kufwala ca kucinga icifuba ico Galyati afwele cafinine amakilogramu yanga? (1 Samwele 17:5) ․․․․․.

(3) Nga icilimi ce fumo lyakwe cena cafinine amakilogramu yanga? (1 Samwele 17:7) ․․․․․.

FINSHI WASAMBILILAMO MULI ILI LYASHI? LEMBA IFYO WASAMBILILAKO PALI IFI . . .

Ukushipa.

․․․․․

Ukushintilila pali Yehova ukucila pa maka yobe we mwene.

․․․․․

FIMBI IFYO WINGASAMBILILAKO KULI ILI LYASHI.

Mafya nshi ukwata ayayafya kwati ni filya cayafishe ukulwisha Galyati?

․․․․․

Finshi ifya kucitikiile nelyo ifyacitikiile bambi ifingalenga washininkisha ukuti Yehova takakulekeleshe?

․․․․․

FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․