Ifyo Mwingakwata Ulupwa lwa Nsansa

GRACIELA uwa ku Argentina, mu South America alemba ukuti: “Nalibelenga bamagazini ba Ulupungu lwa kwa Kalinda na Loleni! pa myaka 40. Ilelo, pa numa ya myaka iingi, kuti nalanda icine cine ukuti baliikusha ukukabila kwandi. Balingafwile mu bwaice bwandi, ilyo nali umupungwe, ilyo nakobekelwe na mu cupo, e lyo na mu kukusha abana bandi 6.

“Bamagazini balafwa ine na balume bandi ukukusha abana besu bane abo tucili na bo pa ng’anda. Ndabomfya bamagazini ilyo ndelanda na bana bandi na bakafundisha wabo ku sukulu. Ilyo ndelanshanya na badokota pa lwa kulwala kwandi, ndabelenga mu kulungatika ukufuma muli Loleni! Ifipande fyakonkene ifyalandile pa kwafwa abana abakwata ubwafya bwa kusambilila (March 8, 1997) fyalitwafwile ukwiluka ukuti umwana wesu umwanakashi alikwata ubwafya bwa kusambilila.”

Impapulo sha Watch Tower Society kuti shayafwa indupwa ukucimfya amafya ayengi ayo shikwata no kuipakisha insansa capamo. Ku ca kumwenako, icitabo ca mabula 192, icitila, Icaba Inkaama ku Nsansa sha Lupwa kuti canonsha abalume, abakashi, abafyashi, abana, bashikulwibo na banakulwibo, tutile fye onse uwa mu lupwa. Ifipande fimo ifyo mwingasambililamo ni fi: “Kansheni Umwana Wenu Ukufuma ku Bwaice,” “Afweni Umwana Wenu Umupungwe Ukukula Bwino,” “Cingilileni Ulupwa Lwenu ku fya Kusonga Ifyonaula” ne citila “Kuti Mwacimfya Amafya Ayonaula Ulupwa.”

Nga mulefwaya ukukwatako ici citabo, isushisheni akapepala kali pe samba no kutuma ku keyala kali pa kapepala nelyo ku keyala kalinga pe bula 5 ilya uno magazini. Mukapokelela imitubululo yalinga iikamwafwa ukupikulula amafya no kulenga ulupwa ukuba ica kucankilwamo nga fintu Kabumba afwaile ukuti lube.

□ Ntumineni icitabo ca mutwe wa kuti Icaba Inkaama ku Nsansa sha Lupwa.

□ Kuti natemwa ukulantungulula isambililo lya Baibolo ilya pa fye pa ng’anda.

[Icikope pe bula 32]

Graciela no lupwa lwakwe