Bakasabankanya abapya abo basambilisha pa kubalilapo fye ifya kulabila imbila nsuma lyonse ne fya kubombesha ilingi line baleshiba bwino sana ifya kushimikila. (Amapi. 22:6; Fil. 3:16) Fimo ifyo mwingacita pa kusambilisha umusambi ukwishiba no kutwalilila ukubila imbila nsuma ni ifi:

• Mufwile fye ukutendeka ukusambilisha umusambi lilya line fye aba kasabankanya uushabatishiwa. (km 8/15 ibu. 1) Mwafweni ukwishiba ifyo cacindamina ukulabilako imbila nsuma cila mulungu. (Fil. 1:10) Mulelanda fye ifisuma pa cifulo mubilamo imbila nsuma. (Fil. 4:8) Mulemukoselesha ukubombako mu mulimo wa kubila imbila nsuma na kangalila we bumba e lyo na bakasabankanya bambi pa kuti alesambililako na kuli bena.—Amapi. 1:5; km 10/12 ibu. 6 para. 3

• Nangu fye ni lintu umusambi abatishiwa, tamulingile ukuleka ukumukoselesha no kumusambilisha ifya kubila imbila nsuma maka maka nga tapwisha ukusambilila mu citabo ca “Ikalilileni”.—km 12/13 ibu. 7

• Ilyo mulebila imbila nsuma na kasabankanya umupya, mulebomfya amashiwi ayayanguka. Nga mwaumfwa ifyo alanda pa kushimikila, mulemutasha kabili kuti mwamwebako pali fimo ifingamwafwa ukulabila bwino sana imbila nsuma.—km 5/10 ibu. 7