Nga ca kuti tuli bapina kuti twatunkwa ukucita ifintu ifingalenga bucibusa bwesu na Yehova bwapwa. Ku ca kumwenako, nalimo kuti twasanga incito nelyo ifya kucita fimbi ifingalenga twalakwata indalama ishingi lelo ifingalenga catukosela sana ukubombela Yehova. Ukutontonkanya sana pa mashiwi yaba pa AbaHebere 13:5 kuti kwatwafwa.

“Mu mikalile yenu mwilatemwa indalama”

• Mufwile ukupepa lyena no kutontonkanyapo sana pa fyo indalama shacindama kuli imwe ne fyo abana bengasambililako ku fyo mumona indalama.—g 9/15 ibu. 6.

“Lelo muteke imitima ku fintu ifyo mukwete”

• Mufwile ukwishiba bwino ifyo mukabila.—w16.07 ibu. 7 amapara. 1-2.

“Nshakakushe nakalya nangu ukukulekelesha nakalya”

• Mulecetekela ukuti Yehova akamwafwa ukusanga ifyo mukabila mu mikalile nga muletangisha Ubufumu pa ntanshi.—w14 4/15 ibu. 21 para. 17.

TAMBENI VIDIO ITILA IFYO ABA BWANANYINA BABA NO MUTENDE, LYENA ASUKENI ICIPUSHO CAKONKAPO:

Finshi mwasambililako ku fyacitike kuli ba Miguel Novoa?