April 8-14
AMALUMBO 26-28
Ulwimbo 34 ne Pepo | Amashiwi ya Kutendekelapo (1 min.)
1. Ifyo Davidi Acitile pa Kuti Atwalilile Ukuba ne Cishinka Kuli Yehova
(10 min.)
Davidi alombele Yehova ukuti amulenge ukuba umuntu umusuma (Amalu. 26:1, 2; w04 12/1 ibu. 14 amapara. 8-9)
Davidi taleikala pamo na balecita ifyabipa (Amalu. 26:4, 5; w04 12/1 ibu. 15 amapara. 12-13)
Davidi alitemenwe sana ukupepa Yehova (Amalu. 26:8; w04 12/1 ibu. 16 amapara. 17-18)
Nangu ca kuti Davidi alicitile imembu ishingi, ali “no mutima wa cishinka.” (1 Isha. 9:4) Kabili na bonse balemona ukuti Davidi ali ne cishinka kuli Yehova kabili alemubombela no mweo onse.
2. Ukufwayafwaya Icuma Icaba mu Cebo ca kwa Lesa
(10 min.)
-
Amalu. 27:10—Bushe ifyaba pali ici cikomo kuti fyatukoselesha shani nga tuleumfwa kwati ifibusa fyesu nafitulekelesha? (w06 7/15 ibu. 28 para. 15)
-
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amalu. 27:1-14 (th isambililo 2)
4. Ifyo Mwingatendeka Ukulanshanya
(2 min.) KU NG’ANDA NE NG’ANDA. Bomfyeni trakiti iyaba pa Impapulo Tubomfya Sana pa Kusambilisha Abantu. (th isambililo 3)
5. Nga Mwabwelelako
(4 min.) KU NG’ANDA NE NG’ANDA. Lanshanyeni no muntu icipusho icaba ku numa ya trakiti ico mwamushilile umuku wafumineko. Mulangeni webusaiti ya jw.org, kabili mulangeniko fimo ifyo engasangapo. (lmd isambililo 9 icishinka 3)
6. Ilyashi
(5 min.) lmd ifyebo fyalundwako A icishinka 3—Umutwe: Lesa Akawamya Isonde. (th isambililo 13)
Ulwimbo 128
7. Abacaice Abatwalilila Ukuba ne Cishinka
(15 min.) Ukulanshanya.
Abena Kristu bacaice balingile ukulaesha na maka ukukanacita ubulalelale. Apo tabapwililika, balesha na maka pa kuti babe abasanguluka, kabili nga bali abaice insuuna ya kulaalapo no mwaume nelyo umwanakashi ilakula sana, kanshi nga tabacenjele kuti balafilwa ukupingula bwino ifya kucita. (Rom. 7:21; 1 Kor. 7:36) Kabili balingile ukutwalilila ukukaana nga ca kuti abanabo balebapatikisha ukucita ubulalelale bwa misango yonse. (Efes. 2:2) Tulatasha sana abaice abatwalilila ukuba aba cishinka kabili abomfwila Yehova.
Tambeni VIDIO Itila Amafya fwe Misepela Tukwata—Kuti Nacita Shani pa Kuti Nkaane Ukucita Ubulalelale? Lyena ipusheni ibumba amepusho:
-
Finshi Cory na Kamryn balebapatikisha ukucita?
-
Finshi fyalengele batwalilile ukuba aba cishinka?
-
Mashinte nshi aya mafunde ya mu Baibo ayengamwafwa nga mwakwata amafya ayapalako?
8. Isambililo lya Baibo Ilya pa Cilonganino
(30 min.) bt icipa. 8 amapara. 5-12
