April 1-7
AMALUMBO 23-25
Ulwimbo 4 ne Pepo | Amashiwi ya Kutendekelapo (1 min.)
1. “Yehova E Mucemi Wandi”
(10 min.)
Yehova alatutungulula (Amalu. 23:1-3; w11 5/1 ibu. 31 para. 3)
Yehova alatucingilila (Amalu. 23:4; w11 5/1 ibu. 31 para. 4)
Yehova alatuliisha (Amalu. 23:5; w11 5/1 ibu. 31 para. 5)
Yehova alasakamana ababomfi bakwe nga filya fine kacema uwaba no kutemwa asakamana impaanga shakwe.
YIPUSHENI AMUTI, ‘Bushe Yehova alanga shani ukuti alansakamana?’
2. Ukufwayafwaya Icuma Icaba mu Cebo ca kwa Lesa
(10 min.)
Amalu. 23:3 —Bushe ‘utushila twa bulungami’ e finshi, kabili kuti twacita shani pa kuti tatulekele ukwendamo? (w11 2/15 ibu. 24 amapara. 1-3)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amalu. 23:1–24:10 (th isambililo 5)
4. Ifyo Mwingatendeka Ukulanshanya
(3 min.) UBUNTE BWA MU LYASHI. Lanshanyeni no muntu uwamweba ukuti alomfwa ububi nga amone ifilecitika kwi sonde, kabili mubelengeleniko ilembo ilingamukoselesha. (lmd isambililo 2 icishinka 5)
5. Nga Mwabwelelako
(4 min.) KU NG’ANDA NE NG’ANDA. Langilileni ifyo tusambilila na bantu Baibo ku muntu mwalanshenye nankwe kabili uo mwapeele broshuwa itila Kuti Mwaba ne Nsansa Umuyayaya! (lmd isambililo 9 icishinka 3)
6. Ukulenga Abantu Baba Abasambi
Ulwimbo 54
7. Tatumfwa kwi Shiwi lya Bantu Bambi
(15 min.) Ukulanshanya.
Impaanga, shileshiba ishiwi lya kwa kacema wa shiko kabili shilamukonka. Lelo nga shaumfwa ishiwi lya muntu uo tashishibe shilafulumuka. (Yoh. 10:5) Na ifwe tulomfwa ku mashiwi ya ba Kacema besu ababa no kutemwa kabili abo twingacetekela, e kutila Yehova na Yesu. (Amalu. 23:1; Yoh. 10:11) Lelo tatukutika ku mashiwi ya bantu bambi bambi abafwaya ukunasha icitetekelo cesu, “ku mashiwi yabo aya bucenjeshi.”—2 Pet. 2:1, 3.
Ibuuku lya Ukutendeka icipandwa 3, lyalilanda umuku wa kubalilapo ilyo ishiwi lya muntu umbi umbi lyaumfwikike pe sonde. Satana ali-ifungushenye no kulanda na Efa ukupitila mu nsoka pa kuti eishiba uwalelanda nankwe. Satana alengele Efa alamona kwati ali ni cibusa wakwe kabili ici calengele amubepe ubufi pali Yehova e lyo ne fyo afwaya ukucita. Icabipile ca kuti Efa alikutike, kabili ici calengele ena na no lupwa lwakwe ukutendeka ukulacula nga nshi.
Na pali ino ine nshita Satana alalanda ifyabipa, amalyashi ayengatulufya e lyo na malyashi ya bufi ayengalenga twalatwishika Yehova ne cilonganino cakwe. Nga twaumfwa ishiwi lya muntu umbi umbi tufwile ukufulumuka! Ukukutika ku malyashi ya musango uyu nangu fye ni panono, kuti kwalenga twaba mu bwafya ubukalamba. Bushe mashiwi yanga Satana alandile pa kulufya Efa ilyo balanshenye fye nankwe panono? (Ukute. 3:1, 4, 5) Kuti twacita shani nga ca kuti umuntu uo twaishiba, uwatutemwa kabili uulelanga ukuti alefwaya ukutwafwa, atendeka ukulanda ifyabipa pa cilonganino ca kwa Yehova?
Tambeni VIDIO Itila Mwilaumfwila “Ishiwi lya Bantu Bambi.” Lyena ipusheni ibumba icipusho:
Finshi mwacisambilila ku fyo Jade acitile ilyo banyina abashili ba Nte balefwaya ukutendeka ukulanda ifyabipa pa cilonganino ca kwa Yehova?
