Fwe Bena Kristu “twaba ica kutamba ku ba muli ici calo.” (1 Kor. 4:9) Kanshi tatufwile ukupapa ukuti abantu tusanga pa mayanda balatutamba nelyo ukukutika ku fyo tulelanda ilyo tuleshimikila. Mu mayanda yamo balibika na makamera nelyo ifisoselo ifilenga abene ba ng’anda ukututamba, ukutukutika nelyo ukutukopa ilyo tulelanda. Natulande pali fimo ifingatwafwa ukuba ne mibele iisuma ilyo tuleshimikila ku ng’anda ne ng’anda.—2 Kor. 6:3.

• Mufwile ukucindika abene ba ng’anda pa kukanalengela mu kati nga mwafika pa ng’anda. Tamulingile ukulya, ukunwa, ukutuma foni nelyo ukulemba amameseji ilyo mwafika pa ng’anda

• Ilyo mwafika pa ng’anda, tamufwile ukulanda ifili fyonse ifyo mushilefwaya abalipo bomfweko. Limo kuti cawama no kuleka fye ukulanshanya pa kuti mwapekanya bwino ifyo mwalalanda